քաղաքականություն

ԼՂՀ նախագահ Արկադի Ղուկասյանը հրամանագիր է ստորագրել Գեորգի Պետրոսյանին արտգործնախարար նշանակելու մասին: Մի այլ հրամանագրով նախկին նախարար Արման Մելիքյանը նշանակվել է նախագահի խորհրդական: Նշենք, որ Գեորգի Պետրոսյանը Հայ Հեղափոխական Դաշնակցության անդամ է: 1992-94թթ. Գեորգի Պետրոսյանը եղել է Գերագույն խորհրդի նախագահի պաշտոնակատար: Մինչեւ ԱԳՆ նախարար նշանակվելը նա աշխատել է ԼՂՀ նախագահի խորհրդականի պաշտոնում, լինելով նաեւ Անվտանգության …

ՀՀ Արտաքին գործերի նախարարի խորհրդական Աշոտ Գալոյանը ՀՀ նախագահ Ռոբերտ Քոչարյանի հրամանագրով նշանակվել է Լեհաստանի Հանրապետությունում ՀՀ արտակարգ եւ լիազոր դեսպան: Նշենք, որ բացի ԱԳՆ խորհրդական աշխատելուց, նա հանդիսացել է նաեւ ԳՌԵԿՈ-ում ՀՀ պատվիրակության ղեկավար: Իսկ Լեհաստանի Հանրապետությունում ՀՀ նախկին դեսպան Աշոտ Հովակիմյանը Քոչարյանի մեկ այլ հրամանագրով նշանակվել է Ավստրիայի Հանրապետությունում ՀՀ արտակարգ եւ լիազոր …

Ադրբեջանի Պետական սահմանապահ ծառայությունը բողոքի նոտա է հղել Ռուսաստանի Դաշնային սահմանապահ ծառայությանը՝ ուրբաթ օրը ռուս-ադրբեջանական սահմանում տեղի ունեցած միջադեպի կապակցությամբ: Ադրբեջանի Արտգործնախարարության խոսնակ Թահիր Թաղիզադեն ANS հեռուստաընկերությանն ասել է, թե «պետական մակարդակով Ռուսաստանին նոտա հղելու հարցը կախված կլինի Սահմանապահ ծառայության կողմից անցկացվող հետաքննության արդյունքներից»: Հիշեցնենք, որ Դաղստանի ձկնորսության վերահսկման վարչության մի խումբ աշխատակիցներ ուրբաթ օրը …

ՀՀ մարդու իրավունքների պաշտպան Լարիսա Ալավերդյանը նամակով դիմել է ԱԺ նախագահ Արթուր Բաղդասարյանին, որում տեղեկացրել է այն մասին, որ Սահմանադրության փոփոխություններն ուժի մեջ մտնելուց հետո, երբ անհրաժեշտ լրացումներ չեն կատարվել «Մարդու իրավունքների պաշտպանի մասին» ՀՀ օրենքում, առաջանում է իրավիճակ, որի արդյունքում Մարդու իրավունքների պաշտպանի հաստատությունն անորոշ ժամանակով կարող է զրկված լինել գործելու իրավասություններից: «Քանի որ …

Ընդամենը չորս օր, եւ մենք հրաժեշտ կտանք 2005 թվականին: Նոր տարվա գիշերը Ձմեռ պապի հրաշալի հայտնությանը հավատում եւ սպասում են ոչ միայն փոքրիկները, այլեւ մեծերը: Այս հարցում, թերեւս, բացառություն չեն նաեւ մեր քաղաքական գործիչները: Եվ, սովորության համաձայն, Ամանորի նախաշեմին փորձեցինք պարզել, թե Ձմեռ պապից ի՞նչ կխնդրեին նրանք: «Ազգային Միաբանություն» կուսակցության նախագահ, ԱԺ պատգամավոր Արտաշես Գեղամյան. …

Թբիլիսիի քաղաքային դատարանը երեկ հրապարակել է մայիսի 10-ին ԱՄՆ նախագահ Բուշի եւ Վրաստանի նախագահ Միխայիլ Սահակաշվիլիի դեմ մահափորձ իրականացնելու մեջ մեղադրվող Վրաստանի քաղաքացի Վլադիմիր Հարությունյանի դատական գործով բժշկական փորձաքննության արդյունքները, ըստ որի՝ Հարությունյանը մեղսունակ է ճանաչվել: «Ինտերֆաքս» գործակալության փոխանցմամբ՝ դատապաշտպան Լիզա Ջափարիձեն հայտնել է, թե Հարությունյանը ճանաչվել է մեղսունակ, սակայն «մեծամոլության սինդրոմի» հակում ունի: Ավելի …

«Հանրապետություն» կուսակցության գրասենյակը փակ կլինի ընդամենը 5 օր` դեկտեմբերի 30-ից հունվարի 3-ը: Ամսի 4-ին նրանք կվերադառնան ակտիվ քաղաքականություն, քանի որ, ինչպես նշեց կուսակցության նախագահ Արամ Սարգսյանը, ընդդիմությունը «երկար տոնախմբությամբ տարվելու ժամանակ չունի»: Միասնական ընդդիմության իրական գործընթացները կսկսվեն Սուրբ Ծնունդից հետո, իսկ մինչ այդ «18+8» ընդդիմադիր ֆորմատի կազմում ընդգրկված կուսակցությունները կզբաղվեն կուսակցական կոմիտեներ ձեւավորելով: Դրանից հետո, …

Ռուսական գազը թանկացավ նաեւ Վրաստանի եւ Ուկրաինայի համար: Սակայն եթե այդ երկրներին մատակարարվող ռուսական գազի գների շեշտակի բարձրացումը բացատրվում է Ռուսաստանի նկատմամբ այդ երկրների ըմբոստ կեցվածքով, ապա հստակ պատասխան չկա այն հարցին, թե ինչո՞ւ է ՌԴ-ն նույն կերպ վարվում իր խեղճ ֆորպոստի հետ: Պարզվում է՝ Ռուսաստանը նման քայլի է դիմել` ՀՀ հանդեպ եղբայրական սիրուց դրդված: …

Վրացական «Քվիլիս պալիտրա» թերթի անցկացրած հարցումների արդյունքներով, երկրում «ամենահեղինակավոր մարդն» է ճանաչվել նախագահ Միխայիլ Սահակաշվիլին, որին ձայն է տվել հարցվածների 86,6 %-ը: Հարցման արդյունքներով, Վրաստանում ամենահեղինակավոր մարդկանց թվում են նաեւ գործարար Բադրի Պատարկացիշվիլին (43,2%), խորհրդարանի խոսնակ Նինո Բուրջանաձեն (37,6%), Վրաստանի պաշտպանության եւ ներքին գործերի նախարարներ Իրակլի Օքրուաշվիլին եւ Վանո Մերաբիշվիլին՝ համապատասխանաբար 35,4 եւ 24,3%-ով: Հետաքրքիր …

Ընդհանրապես, Նոր տարվա շեմին ընդունված է ամփոփել անցնող քաղաքական տարին եւ գնահատականներ տալ կարեւորագույն իրադարձություններին։ Ու թեեւ այս առումով անցնող տարին բավականին հարուստ էր իրադարձություններով, այնուհանդերձ, պետք է արձանագրել, որ պետության համար վճռորոշ նշանակություն ունեցող իրադարձություններ տեղի չունեցան։ 2005-ին երկու «զանգվածային միջոցառումներ» կազմակերպվեցին. Միասնության շուրջպարն ու սահմանադրական փոփոխությունների հանրաքվեն։ Ընդ որում, այս երկու միջոցառումներն էլ …

Երեւանի Մամուլի ակումբի (Հայաստան), «Ենի նեսիլ»-ի (Ադրբեջան) եւ «Black Sea Press» ընկերակցության (Վրաստան) լրագրողների միավորման եւ «Եվրասիա» հիմնադրամի կողմից ուսումնասիրություն է իրականացվել «Հասարակությունը եւ Հարավային Կովկասի երկրների ԶԼՄ-ները. տարածաշրջանային հիմնախնդիրների փոխընդունելի լուծումների փնտրում» նախագծի շրջանակներում: Նախագծի հիմնական նպատակներից մեկը տարածաշրջանում համագործակցության, կոնֆլիկտային հարցերի լուծումների համար վստահելի մթնոլորտի եւ բարենպաստ ինֆորմացիոն դաշտի ձեւավորումն է: Ուսումնասիրությունների համար …

Այս տարվա նախատոնական օրերը, քաղաքական առումով, սկզբունքորեն տարբերվում են նախորդներից, քանի որ՝ ա) նախընտրական տարի է, բ) արեւմտյան տարբեր ուժերի բնութագրմամբ՝ «հարմար» տարի է ԼՂՀ հիմնախնդիրը լուծելու համար, գ) hունվարի 1-ից թանկանում է գազի գինը, ինչը միանգամից կարող է սրել հանրապետության համեմատաբար կայունացող սոցիալական վիճակը: Անցնող տարվա վերջին հոդվածը կարելի է համարել խաղի միաժամանակյա սեանս, …

Մեր թերթի նախորդ համարում նշել էինք, որ Ռոբերտ Քոչարյանին ուղղած Րաֆֆի Հովհաննիսյանի 21 հարցը սկզբում առաջարկվել է ընթերցել ընդդիմության մեկ այլ ծանրակշիռ լիդերի, որը, սակայն, հրաժարվել է: «Պարլամենտսկայա գազետա» ռուսական թերթի՝ Դաշնային ժողովի հետ աշխատանքի գծով բաժնի խմբագիր Սերգեյ Տրուսեւիչը վստահ է, որ այդ գործիչն Արտաշես Գեղամյանն է. «Ինչ վերաբերում է ընդդիմության լիդերներին, ապա նախագահի …

Միջազգային ճգնաժամային խմբի (ՄՃԽ) Կովկասի գծով ծրագրային տնօրեն Սաբինա Ֆրեյզերը հայտարարել է, թե Հայաստանը դեմ չէ դուրս բերել զորքերը գրավյալ մի քանի տարածքներից՝ նախքան Լեռնային Ղարաբաղի կարգավիճակի վերջնական հաստատումը: «Այդ հարցի շուրջ իմ դիրքորոշումը ձեւավորվել է Հայաստանի պաշտոնյաների, ինչպես նաեւ` հասարակական կարծիքի վերլուծության հիման վրա»,- «Ազատություն» ռադիոկայանի բացառիկ հարցազրույցում նշել է Սաբինա Ֆրեյզերը: Նրա խոսքերով, …

Վերջին շրջանում կոալիցիոն կուսակցությունների մեջ «գզվռտոց» է ընկել: Երբ երեկ «Ազգային Միաբանություն» կուսակցության նախագահ Արտաշես Գեղամյանից այս կապակցությամբ կարծիք հարցրինք, վերջինս խնդրեց ընդամենն արձանագրել. «Ամեն»:

Ներկայումս Հայաստանում գրանցված է 71 կուսակցություն: Ընթացքի մեջ է եւս երեք կուսակցությունների գրանցումը: Գրանցման փուլում է «Մայր Հայրենիք» կուսակցությունը, որը, մեր տեղեկություններով` Հրազդանի ցեմենտի՝ «Միկա Ցեմենտ» գործարանի տնօրեն Նաիրա Մարտիրոսյանն է: Նկատի ունենալով այն, որ տվյալ գործարանի սեփականատերը Միխայիլ Բաղդասարովն է, հետեւաբար կարելի է ասել, որ այս կուսակցությունն էլ է ինքը հիմնադրում:

«ԼՂՀ կարգավորման վերաբերյալ առայժմ ոչ մի փաստաթուղթ չկա»,- այսպիսի հայտարարություն է արել Ադրբեջանի արտգործնախարար Էլմար Մամեդյարովը՝ պատասխանելով ԵԱՀԿ Մինսկի խմբի ռուս համանախագահ Յուրի Մերզլյակովի հայտարարությանը: Ըստ նրա, կան որոշակի սկզբունքային հարցեր, որոնք անհրաժեշտ է քննարկել: «Մի փոքր համբերություն է հարկավոր: Եթե մենք համաձայնության հասնենք սկզբունքային հարցերի շուրջ, ապա կարող է ինչ-որ բան ստացվել: Սակայն առայժմ …

Լավատեղյակ աղբյուրների վկայությամբ` «Գրանդ Հոլդինգ» ընկերության նախագահ Հրանտ Վարդանյանն օրերս դիմել է ՀՀԿ վերնախավի մի ներկայացուցչի` խնդրելով իրեն ընդգրկել կուսակցության համամասնական ցուցակում: Սակայն վարչապետ Անդրանիկ Մարգարյանի հետ խորհրդակցելուց հետո Հրանտ Վարդանյանին մերժել են՝ ասելով, որ «դա անհնարին է»:

Ադրբեջանի խորհրդարանը որոշում է ընդունել նախագահ Իլհամ Ալիեւի աշխատավարձը նվազեցնելու մասին: Նոր տարվա հունվարի 1-ից նախագահը ներկայիս ամսական 90 միլիոն մանաթի (19.600 դոլար) փոխարեն կստանա 75 միլիոն մանաթ (16.500 դոլար): Խորհրդարանն այդ որոշումն ընդունել է նախագահ Իլհամ Ալիեւի օրենսդրական նախաձեռնությամբ: 115 պատգամավորներից որոշման օգտին է քվեարկել 89-ը, այդ թվում` առաջին տիկին Մեհրիբան Ալիեւան: 2005թ. հոկտեմբերի …

«Հույսը վերջինն է կորում: Ես հույս ունեմ, որ հայ-ռուսական ռազմավարական համագործակցությունն իր ուղղությունը կշարունակի եւ ինչ-որ լուծումներ կգտնվեն գազի գնի բարձրացման հարցում,- կարծում է Ա. Բաղդասարյանը։ -Հակառակ պարագայում ինձ համար շատ դժվար է լինելու պատասխանել մեր հայրենակիցների հարցերին, թե ինչով ենք բացատրում հայ-ռուսական համագործակցությունը, երբ տեղի են ունենում նման թանկացումներ: Այլ հարցեր էլ կարող են …