քաղաքականություն

Այն, որ երեկ որեւէ թեկնածու չէր դիմել Աջափնյակ համայնքի ընտրատարածքային կառույց` հոկտեմբերի 29-ին Աջափնյակ համայնքի թաղապետի ընտրություններում իր թեկնածությունն առաջադրելու պաշտոնական խնդրանքով, արդեն իսկ նշանակում է, որ քաղաքական քննարկումները եւ բանակցությունները դեռեւս չեն ավարտվել, ու վերջնական որոշում չկա, թե ով է դնելու իր թեկնածությունը, ով` ոչ: Այլապես, եթե որոշում լիներ, ապա թե Արծրուն Խաչատրյանը, թե …

Հայաստանյան ներքաղաքական ներկայիս զարգացումների վրա էական ազդեցություն ունեցավ հուլիսի 22-ի ՀՀԿ արտահերթ համագումարը, որի արդյունքում, ինչպես հայտնի է, ՀՀ պաշտպանության նախարար Սերժ Սարգսյանն ընտրվեց ՀՀԿ խորհրդի նախագահ, իսկ հայաստանյան մի շարք ազդեցիկ քաղաքական գործիչներ եւ գործարարներ համալրեցին ՀՀԿ շարքերը: Համագումարից հետո հանրապետականները նշում էին, որ այս համագումարը պատմական կարելի է համարել այն առումով, որ տեղի …

Արագածոտնի մարզպետները վերջին մի քանի տարիներին ՀՅԴ շարքերից են եղել (ներկայիս մարզպետ Գ. Գյոզալյանից առաջ մարզպետ էր Հրայր Կարապետյանը), այդ պատճառով մարզը համարվել է դաշնակցական: Մարզպետներն աչքի ընկնող բոլոր պոստերում նշանակել են իրենց կուսակիցներին՝ մարզպետարանի պաշտոնյաների, դպրոցների եւ հիվանդանոցների տնօրենների, գյուղապետերի մեծ մասը դաշնակցական են: Սակայն Արագածոտնի մարզում դաշնակցականների ազդեցությունը սկսեց թուլանալ այս տարվա գարնանը, …

Սեպտեմբերի 28-ին Նուբարաշենի քրեակատարողական հիմնարկ է այցելել փաստաբան Զարուհի Փոստանջյանը, որը հանդիպել է Ռազմիկին եւ նրան տեսել հյուծված եւ հիվանդ վիճակում: Մեկուսարանի բժիշկները հաղորդել են, որ Ռազմիկ Սարգսյանի մոտ ախտորոշվել է թոքախտ, սակայն բժիշկների պնդմամբ` նրան հիվանդանոց չեն տեղափոխում, քանի որ բանտախցում նրան տրամադրվում են անհրաժեշտ բուժման միջոցներ: Նույնը հիմնավորել է նաեւ Նուբարաշենի քրեակատարողական հիմնարկի …

ԱԺ պատգամավոր Արշակ Սադոյանն ընդդեմ «ԱրմենՏելի» պատրաստվում է հերթական միտինգը հրավիրել: Այս անգամ պատգամավորի զայրույթը հարուցել է սակագների հնարավոր թանկացման լուրը: Եվ Մատենադարանի մոտ՝ հոկտեմբերի 6-ին իրենք նորից հավաքվելու են: Սադոյանը խորհուրդ տվեց օրական զանգահարել 15-20 բարեկամի եւ նրանց հրավիրել հանրահավաքի: «Բավական է մի թեթեւ ճնշում, եւ սակագները չեն թանկանա»,- հայտարարեց նա: Ավելին, ճնշումն իրական …

Մեր տեղեկություններով, ՀՀ Պաշտպանության փոխնախարար, գեներալ Մանվել Գրիգորյանի փեսան՝ Կարեն Պողոսյանն Էջմիածին քաղաքում ծեծի է ենթարկել մի քաղաքացու: Ըստ մեր տվյալների, նրան դուր չի եկել այդ քաղաքացու՝ մեքենա վարելու ձեւը: Ու կանգնեցնելով ավտոմեքենան, Կ. Պողոսյանը նրան ծեծել է: Իսկ երբ վարորդը փորձել է փախչել, Պողոսյանը կրակել է նրա ուղղությամբ՝ պատճառելով մարմնական վնասվածքներ: Երեկ փորձեցինք այդ …

Ըստ «ԻՏԱՌ-ՏԱՍՍ»-ի, Սեւծովյան տնտեսական համագործակցության կազմակերպության (ՍԾՏՀ) 12 անդամ երկրների տրանսպորտի նախարարները երեկ Սեւ ծովի շուրջն օղակաձեւ ավտոմայրուղու կառուցման վերաբերյալ փոխըմբռնման հուշագիր են ստորագրել: Ռուսաստանի տրանսպորտի նախարար Իգոր Լեւիտինն ասել է, թե ավտոմայրուղու հարցը վերջնականապես կհաստատվի նոյեմբերին, երբ համապատասխան հուշագիր կստորագրեն ՍԾՏՀ-ի երկրների արտգործնախարարները: Առայժմ շահագրգիռ երկրների տրանսպորտային գերատեսչությունները պատրաստել են ավտոմայրուղու շինարարության վերաբերյալ իրենց …

Երեկ «Փաստարկ» ակումբում «Արդարություն» դաշինքի ներկայացուցիչ Ռուզան Խաչատրյանը հայտարարել է, որ «Արդարություն» դաշինքը չի մասնակցելու Ընտրական օրենսգրքի քննարկումներին, որովհետեւ նրա մի քանի սկզբունքային առաջարկները չեն ընդունվել: Նա ասել է նաեւ, որ նույնիսկ չեն մասնակցելու Հայաստան ժամանած Վենետիկի փորձագետների մասնակցությամբ քննարկումներին: Սակայն վենետիկցիների հետ առանձին հանդիպում կլինի: Ըստ Ռ. Խաչատրյանի, նախատեսված է խորհրդարանի ընդդիմադիր ուժերի ղեկավարների …

Վերջին շրջանում Հայաստանում ակտիվացել են կրիմինալի դեմ ուղղված հայտարարություններն ու կոչերը: Մոտ երկու տասնյակ կուսակցություններ նույնիսկ ստեղծել են «հակակրիմինալ շարժում», հնչեցրել են կրիմինալի հետ կապ ունեցող մարդկանց 1-2 անուն եւ արդեն, ինչպես երեկ մեզ փոխանցեց հակակրիմինալի հավաքների մասնակից, «Նոր Ժամանակներ» կուսակցության (ՆԺԿ) ղեկավար Արամ Կարապետյանը, ընդունել են կրիմինալի դեմ ուղղված համատեղ հայտարարություն, որը երեկ ներկայացվել …

Ինչպե՞ս է ՀՀ նախագահի՝ տնտեսական հարցերով գլխավոր խորհրդական Վահրամ Ներսիսյանցը վերաբերվում կոռուպցիայի դեմ պայքարի առանձին մարմին ստեղծելու մասին ՀՅԴ-ի առաջարկին: Պատասխանելով այս հարցին՝ նախօրեին Վ. Ներսիսյանցը կասկած է հայտնել, թե արդյո՞ք նոր, առանձին մարմինն ինքը չի դառնա կոռուպցիայի աղբյուր: Իսկ դաշնակցությանը ՀՀ նախագահի խորհրդականը խորհուրդ է տվել հետեւողական լինել եւ վերադառնալ 1890 թվականին որդեգրած սոցիալ-դեմոկրատական …

ՄԱԿ-ի գլխավոր ասամբլեայի 61-րդ նստաշրջանում ունեցած ելույթից եւ ԵԱՀԿ Մինսկի խմբի համանախագահների հետ հանդիպումից հետո ՀՀ արտգործնախարար Վարդան Օսկանյանն «Ազատություն» ռ/կ-ին տված հայցազրույցում ասել է, թե Հայաստանի եւ Ադրբեջանի արտգործնախարարների՝ փարիզյան հանդիպման ընթացքում խոսք կար Նյու Յորքում նախարարների հանդիպում անցկացնելու մասին, սակայն երբ ՎՈՒԱՄ-ը հակամարտությունները քննարկելու առաջարկն օրակարգի հարց դարձրեց, իրավիճակը փոքր-ինչ փոխվեց, եւ այդ …

Չնայած իշխանությունների համառ ջանքերին, Ազգային ժողովը երեկ այդպես էլ չկարողացավ ընդունել «Հասարակության եւ պետական կարիքների համար սեփականության օտարման մասին» օրենքի նախագիծը: «Արդարություն», «Ազգային Միաբանություն», «Օրինաց երկիր» պատգամավորական խմբակցություններն ու անկախ պատգամավորները երեկ բոյկոտեցին քվեարկությունը: Արդյունքում ՀՀԿ-ն, ՀՅԴ-ն, ՄԱԿ-ը, «Գործարարն» ու «Ժողպատգամավորը» միասին դահլիճում ներկա պատգամավորների միջոցով կարողացան ընդամենը 62 ձայն ապահովել: Պատգամավոր Արշակ Սադոյանը, համադրելով …

Վերջին շրջանի ներքաղաքական զարգացումներից ուշագրավ կարելի է համարել ՀՀՇ վարչության փոխնախագահ Արամ Մանուկյանի այն հայտարարությունը, ըստ որի` ՀՀՇ-ն վերադառնում է ակտիվ քաղաքականություն եւ 2007թ. խորհրդարանական ընտրություններում ձգտելու է կամ վերցնել իշխանությունը, կամ հասնել այնպիսի արդյունքների, որպեսզի կարողանա ռեալ ազդեցություն ունենալ քաղաքական որոշումների կայացման վրա: Իհարկե, բոլորին էլ հասկանալի է, որ ՀՀՇ-ն միայնակ չի կարող հասնել …

Հանրապետության հրապարակում, Հայաստանի անկախության խորհրդանիշներից մեկի` Արտգործնախարարության շենքի դիմաց, «ԾՌՐ» հեռուստաընկերության լրագրողուհին անցորդներին կանգնեցնում եւ հարցեր է տալիս։ Ուզում եմ կողքով արագ անցնել` միկրոֆոնը դեմ է տալիս եւ թովիչ ժպտում։ Հնարավոր չէ անտարբեր մնալ։ Գո՞հ եք էներգետիկայի վիճակից, հարցնում է, էներգամատակարարումների հետ կապված պրոբլեմներ չկա՞ն։ Ասում եմ, որ չկան։ Գոհ է։ Շարունակում է ժպտալ։ Իսկ …

Արամ Կարապետյանը 2 օր առաջ հանդիպել է Հրանտ Խաչատրյանին, եւ վերջինս նրան խորհուրդ է տվել քաղաքական գործընթացներում անլուրջ չլինել, եւ «ձեռքները թափ տալով ամեն ինչ չքանդել»: «Մեր զրույցի ընթացքում ես չզգացի, որ ինքը գոհ է այն ամենից, ինչ տեղի է ունեցել, բայց նաեւ բավականաչափ իմաստուն քայլ էր իր կողմից, թե հիմա ժամանակը չի մինչեւ վերջ …

Սեպտեմբերի 23-ին «հակակրիմինալ համաժողովրդական ճակատ» ձեւավորելու կոչ է արել ՍԻՄ փաստացի նախագահ Հայկ Բաբուխանյանը: Նա նաեւ հայտարարել է, թե «Բարգավաճ Հայաստան» կուսակցությունն այժմ գտնվում է կրիմինալ դաշտում, բայց մի քիչ առանձնացած: Ըստ Հ. Բաբուխանյանի, ԲՀԿ-ն փորձում է կամուրջներ ստեղծել թե՛ կրիմինալ, թե՛ հակակրիմինալ դաշտերում: ՍԻՄ-ը ԲՀԿ-ին կոչ է անում վերանայել իր հարաբերություններն իշխանությունների հետ եւ …

Նախորդ շաբաթվա վերջին Բեռլինում մասնակցելով է 10-րդ «Բերթելսման» ֆորումին, ՀՀ ԱԳ նախարար Վարդան Օսկանյանը հայտարարել է, թե չի կարելի ժողովուրդներին պարզապես քաղաքական նպատակահարմարությունից ելնելով զրկել ինքնորոշման իրավունքից: «Եթե աշխարհն առաջնորդվեր նոր նախադեպեր ստեղծելու երկյուղով, ապա աշխարհի պետությունների կեսը գոյություն չէր ունենա»,- Բեռլինում հայտարարել է Վ. Օսկանյանը եւ հավելել, թե, միեւնույն ժամանակ, պետք է հստակ չափանիշներ …

Օրերս ԱՄՆ-ի Սենատը հավանություն է տվել օրենքի նախագծի ուղղմանը, որն արգելք է դնում Հայաստանը շրջանցող Կարս-Ախալքալաք-Թբիլիսի-Բաքու-Կարս երկաթուղու կառուցման նախագծի ֆինանսավորման վրա: Ձեռնարկված միջոցը ԱՄՆ-ի «Էկսիմբանկին» արգելում է որեւէ օգնություն ցույց տալ «ՀՀ-ն շրջանցող, Թուրքիան, Վրաստանը եւ Ադրբեջանը միացնող երկաթուղիների կառուցման կամ նախագծի մշակման համար»: «Հայաստանը ԱՄՆ-ի թանկագին բարեկամն է, եւ մեր կառավարությունը չպետք է օժանդակի …

Ըստ «Իզվեստիայի», նախորդ շաբաթվա վերջին Վրաստանը դիվանագիտական կարեւոր հաղթանակ է տարել: Հիշեցնենք, որ ՄԱԿ-ում Մ. Սահակաշվիլու ելույթի նախօրեին ՆԱՏՕ-ի 28 անդամ երկրների ԱԳ նախարարները հայտարարել են Վրաստանի հետ «ինտենսիվ երկխոսություն» հաստատելու մասին: Քաղաքական շրջանակներում այդպես են անվանում ՆԱՏՕ-ի հետ առավել սերտ համագործակցության փուլը, որը, փաստորեն, նախավերջին քայլն է անդամակցության ճանապարհին: «Իզվեստիան» նշում է նաեւ, որ …

Ամերիկյան հեղինակավոր «New York Times» թերթն օրերս անդրադարձել է սեպտեմբերի 17-ին Մերձդնեստրում տեղի ունեցած հանրաքվեին, համաձայն որի արդյունքների` Մերձդնեստրի բնակիչների 97,1%-ն արտահայտվել են հանրապետության անկախության եւ հետագայում Ռուսաստանի հետ միավորվելու օգտին: Թերթն ընդգծում է, որ Եվրամիությունը չի ճանաչել հանրաքվեի արդյունքները: Միաժամանակ թերթը գրում է, որ ռուս պաշտոնյաներն առաջարկում են, որպեսզի ինչպես` Մերձդնեստրի, այնպես էլ` «հետխորհրդային …