քաղաքականություն

Այսօր Եվրոպայի խորհրդի մարդու իրավունքների հանձնակատար Թոմաս Համարբերգը հատուկ այցով ժամանելու է Հայաստան` մարտի 1-2-ի դեպքերի հետեւանքով ազատությունից զրկված անձանց հետ կապված իրավիճակը եւ այդ դեպքերի առնչությամբ իրականացվող հետաքննությունը գնահատելու նպատակով: «Ես նպատակ ունեմ գնահատել ազատազրկված անձանց իրավիճակը եւ այն առաջընթացը, որը գրանցվել է մարտյան իրադարձությունների համար պատասխանատուներին ի հայտ բերելու առումով»,- այցից առաջ ասել …

Դեկտեմբերի 2-ին տեղի է ունենալու «Նոր Ժամանակներ» կուսակցության համագումարը: Այդ մասին երեկ մեր թղթակցին ասել է կուսակցության վարչության անդամ Էմանուել Մարգարյանը: Համագումարը լինելու է փակ: Է.Մարգարյանը նաեւ ասել է, թե համագումարի ժամանակ կքննարկվեն ներքաղաքական զարգացումների հետ կապված հարցեր: «Բացի այդ, այս տարի լրանում է կուսակցության 5-ամյակը, եւ լինելու է կուսակցության հնգամյա գործունեության վերլուծությունը, գնահատականներ: Դրանից …

«Եվրամիությունը Հայաստանի ղեկավարության հետ քննարկումներ էր ունեցել, որոնց արդյունքում պարզ դարձավ, որ հայկական կողմը ցանկանում է իմանալ, թե ինչպես են կայացվում որոշումները Եվրամիությունում, եվրոպական լավագույն օրինակներն այդ բնագավառում եւ Եվրամիության չափանիշները»,- մեկնաբանելով ՀՀ խորհրդականներ ուղարկելու Եվրամիության նախաձեռնությունը՝ «Ազատություն» ռ/կ-ին տված հարցազրույցում ասել է Հարավային Կովկասում Եվրամիության հատուկ ներկայացուցիչ Փիթեր Սեմնեբին: «Խորհրդականների այս խումբը ռեսուրս է …

Երեկ ՀՀ առաջին նախագահ Լեւոն Տեր-Պետրոսյանը հանդիպել է ՀԺԿ ակտիվի հետ: Հանդիպման ժամանակ քննարկվել են հասարակությանը հուզող տարբեր խնդիրներ՝ ԼՂՀ հիմնախնդրի կարգավորման ներկա փուլը եւ լուծման հնարավոր հետեւանքները, միջազգային տնտեսական ճգնաժամի ազդեցությունը ՀՀ տնտեսության վրա եւ Հայ Ազգային կոնգրեսի հետագա անելիքները: Հանդիպման ընթացքում հայտնի է դարձել նաեւ, որ այսօր Լեւոն Տեր-Պետրոսյանը հանդիպելու է ԵԽ մարդու …

Ազգային ժողովրդավարական միություն (ԱԺՄ) կուսակցության նախագահ Վազգեն Մանուկյանը փետրվարին նախագահական ընտրություններին մասնակցելուց հետո գրեթե «ընդհատակ» է անցել ու չի զբաղվում ակտիվ քաղաքականությամբ: Եվ թեեւ Վ. Մանուկյանը հրաժարվում է նաեւ հանդիպել լրագրողների հետ կամ մեկնաբանություններ տալ որեւէ հարցի վերաբերյալ, երեկ ԱԺՄ նախագահից փորձեցինք ճշտել` մասնակցելո՞ւ է արդյոք ԼՂՀ հիմնախնդրի կարգավորման հարցով ՀՀ նախագահ Սերժ Սարգսյանի հրավիրած …

Վրաստանի նախագահ Միխայիլ Սահակաշվիլին հայտարարել է, որ Եվրոպայում ցանկացած պահի կարող են կրկնվել «բազմաթիվ փոքր վրաստաններ», որպիսին օգոստոսին Ռուսաստանի «ներխուժումն» էր: Այս հայտարարությամբ, ինչպես հաղորդել է իսպանական EFE լրատվական գործակալությունը, Սահակաշվիլին երեքշաբթի օրը Վալենսիայում հանդես է եկել ՆԱՏՕ-ի 54-րդ Խորհրդարանական վեհաժողովում: Վրացական պատվիրակությունը Խորհրդարանական վեհաժողովի աշխատանքին մասնակցում է որպես հյուր եւ դաշինքին անդամակցելու հավանական թեկնածու: …

Նոյեմբերի 17-ին «Ժառանգություն» խմբակցության քարտուղար, ԱԺ Արտաքին հարաբերությունների մշտական հանձնաժողովի անդամ Ստեփան Սաֆարյանը խմբակցության անունից պաշտոնապես դիմել է հանձնաժողովի նախագահ Արմեն Ռուստամյանին` ԼՂՀ հիմնախնդրի շուրջ ԱԺ լսումներ կազմակերպելու առաջարկով: Նամակում մասնավորապես ասված է. «Դեռեւս 2007թ. նոյեմբերի 3-ին «Ժառանգության» անունից Ձեզ էի դիմել ԱԺ-ում ԼՂ-ի հիմնախնդրի ու կարգավորման գործընթացի վերաբերյալ լսումներ կազմակերպելու առաջարկով: Սակայն դրա փոխարեն …

Հայաստանի Վերահսկիչ պալատի (ՎՊ) կողմից իրականացված վերջին աղմկահարույց բացահայտումներից հետո համապատասխան գերատեսչություններում սկսեցին խոսակցություններ շրջանառվել, թե Վերահսկիչ պալատի նախագահ Իշխան Զաքարյանին «քցում» են իր աշխատակազմ ներթափանցած ոչ պրոֆեսիոնալ մասնագետները: Ըստ այդ խոսակցությունների, հենց այդ ոչ պրոֆեսիոնալներն են պատճառը, որ Ի. Զաքարյանի յուրաքանչյուր ասուլիսից հետո շատերը հայտարարում են, թե ՎՊ կատարած ուսումնասիրությունները` կապված տարբեր գերատեսչություններում առկա …

Նոյեմբերի 28-ին Երեւանում կկայանա Հավաքական անվտանգության պայմանագրի կազմակերպության (ՀԱՊԿ) Պաշտպանության նախարարների խորհրդի հերթական նիստը: Ծրագրվում է, որ ռազմական գերատեսչությունների ղեկավարները կքննարկեն ՀԱՊԿ-ի կոալիցիոն ռազմական շինարարության մեխանիզմների կատարելագործման հարցերը: Նախատեսվում է, որ Նախարարների խորհրդի նիստում «ՀԱՊԿ-ի անդամ պետությունների հակաօդային պաշտպանության վիճակի, զարգացման հեռանկարների եւ ինտեգրացման մասին» զեկուցումով հանդես կգա ԱՊՀ Պաշտպանության նախարարների խորհրդին առընթեր հակաօդային պաշտպանության …

ԵԱՀԿ մամուլի ազատության հարցերով ներկայացուցիչ Միկլոս Հարաշտին իր մտահոգությունն է հայտնել «Հետաքննող լրագրողներ» կազմակերպության նախագահ, լրագրող Էդիկ Բաղդասարյանի դեմ նոյեմբերի 17-ի հարձակման առիթով: «Լրագրողի դեմ բռնությունը «սովորական» հանցագործություն չէ, որովհետեւ այն հարվածում է ժողովրդավարության հիմնարար ինստիտուտին` խոսքի ազատությանը»,- գրված է ՀՀ ԱԳ նախարար Էդվարդ Նալբանդյանին ուղղված Հարաշտիի նամակում: Հարաշտին իր նամակում նաեւ անդրադարձել է Հայաստանում …

Նախորդ հինգշաբթի մեր նկարագրած նորօրյա հայ հերոսների շարքն, ինչպես նշել էինք, այդքանով չէր ավարտվում: Նրանց շարքին կարելի է ավելացնել «Անգլուխ ձիավորներին», որոնք մեր օրերում ավելի շատ «Անգլուխ ջիփավոր» են դարձել: Եվ Մարգարիտաներին, որոնք հանուն իրենց «Վարպետների»՝ պատրաստ են անգամ սատանայի հետ գործարք կնքել: Ավելացնենք` «15-ամյա «ջահել» նավապետներին», վաղուց կորած «Ռոբինզոններին», որոնց վերջին շրջանում, չգիտես ինչու, …

Երեկ մի շարք ուշագրավ բացահայտումներ են արել «Միացում» ազգային նախաձեռնության ղեկավարները: Հիշեցնենք, որ նոյեմբերի 14-ին՝ Վաղարշապատ եւ 18-ին՝ Արմավիր քաղաքների մշակույթի մայր օջախներում նրանք նախատեսել էին անցկացնել բաց սեմինար, որի ընթացքում պետք է ցուցադրվեր կինոռեժիսոր Տիգրան Խզմալյանի «Արաքսից Կուր, Արցախից Ջավախք» վավերագրական կինոնկարը: Նախատեսված էր նաեւ բանախոսություն ՝ «Հայաստանի ազատագրված տարածքները եւ Հայոց պետականության ապագան» …

Այսօր առավոտյան ժամը 11:00-ին Կարեն Դեմիրճյանի անվան մարզահամերգային համալիրում տեղի է ունենալու Հայաստանում գործող կուսակցությունների ղեկավարների հետ Լեռնային Ղարաբաղի հակամարտության կարգավորման վերաբերյալ ՀՀ նախագահ Սերժ Սարգսյանի նախաձեռնած խորհրդակցությունը: Ըստ Ս. Սարգսյանի մամուլի խոսնակ Սամվել Ֆարմանյանի` հանդիպմանը հրավիրվել են 65 կուսակցությունների նախագահներ: Սակայն նա չասաց, թե խորհրդակցությունն ինչ ձեւաչափով է լինելու: Կուսակցությունների ղեկավարները հարցե՞ր են տալու, …

Գաղտնիք չէ, ոչ շատերի կարծիքով` Սերժ Սարգսյանը մեր երկրի ներքին քաղաքական հարցերի բազմակողմանի ձախողումը փորձում է կոմպենսացնել վարվող ակտիվ ու նախաձեռնող արտաքին քաղաքականությամբ: Սակայն դա իր ցանկալի արդյունքն առայժմ չի կարող տալ, քանի որ այս փոխկապակցված աշխարհում մեր երկրի ու նրա ղեկավարի իրական հնարավորությունների մասին տեղյակ են գործնականում քաղաքական դաշտի բոլոր ակտիվ խաղացողները` լինի դա …

Երեկ Տավուշի մարզի Այգեձոր գյուղի մերձակայքում կայացել է Հայաստանի եւ Ադրբեջանի զինված ուժերի շփման գծի դիտարկում: Մոտ 10 րոպե տեւած դիտարկման ժամանակ հրադադարի ռեժիմի խախտում չի արձանագրվել: Հայկական եւ ադրբեջանական կողմերից դիտարկումը անցկացրել են երկու երկրների զինված ուժերի ներկայացուցիչները` ԵԱՀԿ գործող նախագահի անձնական ներկայացուցիչ Անջեյ Կասպրչիկի դաշտային օգնականների մասնակցությամբ: Դիտարկումը նախաձեռնել էր ԵԱՀԿ գործող նախագահի …

ՀՀ նախագահ Սերժ Սարգսյանը երեկ ընդունել է ԵԱՀԿ Մինսկի խմբի համանախագահներ Յուրի Մերզլյակովին, Բեռնար Ֆասիեին, Մեթյու Բրայզային եւ ԵԱՀԿ գործող նախագահի անձնական ներկայացուցիչ Անջեյ Կասպրչիկին: Հանդիպմանը մասնակցել է նաեւ ՀՀ արտաքին գործերի նախարար Էդվարդ Նալբանդյանը: ՀՀ նախագահի մամլո գրասենյակի փոխանցմամբ` հանդիպման ժամանակ քննարկվել է ղարաբաղյան հիմնախնդրի կարգավորման բանակցային գործընթացի ներկա փուլը: Ի դեպ, համանախագահները Ս. …

Շաբաթ օրը Հայ Ազգային կոնգրեսի ներկայացուցիչները` Հայաստանի առաջին նախագահ Լեւոն Տեր-Պետրոսյանի գլխավորությամբ, հանդիպել են ԵԱՀԿ Մինսկի խմբի ամերիկացի համանախագահ Մեթյու Բրայզայի հետ: Լ. Տեր-Պետրոսյանի մամուլի խոսնակ Արման Մուսինյանն «Ազատություն» ռ/կ-ին ասել է, որ հանդիպման ժամանակ քննարկվել են ԼՂՀ հակամարտության կարգավորման հեռանկարները, Հայաստանի ներքաղաքական իրավիճակը, քաղբանտարկյալների հետ կապված խնդիրներ: ՀԺԿ նախագահ Ստեփան Դեմիրճյանը, մասնավորապես, բարձրացրել է …

«Նոյեմբերի լույս 16-ի գիշերը Ադրբեջանի զինված ուժերի հատուկ նշանակության ջոկատը ԼՂՀ զինված ուժերի դիրքերի հարավ-արեւելյան ուղղությամբ փորձել է ճեղքել ԼՂ պաշտպանության բանակի թիկունքը, սակայն ղարաբաղցի զինծառայողների ձեռնարկած գործողությունների արդյունքում ետ է մղվել նախկին դիրքեր` տալով առնվազն մեկ զոհ»,- այդ մասին նշված է ԼՂ ԱԳՆ` երեկ տարածած հայտարարությունում: ԼՂ ԱԳՆ-ն հայտարարության մեջ շեշտել է այն հանգամանքը, …

ՀՀ նախագահ Սերժ Սարգսյանը Լեռնային Ղարաբաղ կատարած այցի ժամանակ անդրադառնալով Հայաստանում ԼՂՀ հարցի շուրջ քաղաքական տարբեր ուժերի կողմից արված մեկնաբանություններին` հայտարարել է, թե «որպեսզի այս մի բաժակ ջրում ստեղծված փոթորիկը կարողանանք հանդարտեցնել, ես երեւի կհրավիրեմ քաղաքական կուսակցությունների նախագահներին եւ կփորձեմ լսել նրանց հարցադրումները, կփորձեմ պարզել, թե ի՞նչն է նրանց անհանգստացնում»: Նախագահի մամուլի խոսնակ Սամվել Ֆարմանյանը …

«Առաջին հերթին, հռչակագիրը ցույց է տալիս լուծման ճանապարհը, այսինքն` հանդիսանում է, այսպես կոչված, ճանապարհային քարտեզ, երկրորդը` ապացուցում է կողմերի առաջ շարժվելու կամքը, ինչի մասին վկայում են Հայաստանի եւ Ադրբեջանի նախագահների ստորագրությունները: Մի խոսքով, կարելի է ասել, որ հիմք է ստեղծվել բանակցություններում ճեղքում կատարելու համար, եւ մենք պետք է օգտվենք դրանից»,- «Մեդիամաքս» գործակալությանը տված հարցազրույցում` մեկնաբանելով …