քաղաքականություն

Թուրքիայի արտգործնախարար Ալի Բաբաջանը զգուշացրել է Միացյալ Նահանգների ապագա վարչակազմին, թե Հայոց ցեղասպանության ճանաչումը ԱՄՆ-ի կողմից կարող է վտանգել հայ-թուրքական հաշտեցման ջանքերը: «Շատ խելամիտ չէր լինի, որպեսզի որեւէ երրորդ երկիր դիրքորոշում որդեգրեր այս հարցում… Միացյալ Նահանգների կողմից որեւէ սխալ քայլ վնաս կհասցնի գործընթացին»,- «Անատոլիա» լրատվական գործակալության փոխանցմամբ` անցած շաբաթավերջին հայտարարել է Բաբաջանը: Նրա խոսքերով` Թուրքիան …

Հայ Ազգային կոնգրեսի համակարգող Լեւոն Զուրաբյանը ՀՀ Մարդու իրավունքների պաշտպանին դիմում է հղել` կից ներկայացնելով երեք տեսասկավառակ, որոնք փաստում են Ոստիկանության աշխատակիցների կողմից իրականացվող ոչ իրավաչափ գործողությունները: Ըստ Մարդու իրավունքների գրասենյակի, նշված խնդրի առնչությամբ Արմեն Հարությունյանը դիմել է ՀՀ ոստիկանապետ Ալիկ Սարգսյանին: «Նկատի ունենալով, որ դիմումում բարձրացված հարցերի` ըստ էության լուծումը ենթակա է Ոստիկանության իրավասությանը, …

Այսօր ողջ աշխարհի ուշադրությունը կենտրոնացած է լինելու Ամերիկայի Միացյալ Նահանգների, նրա մայրաքաղաք Վաշինգտոնի վրա, որտեղ տեղի է ունենալու ԱՄՆ 44-րդ նախագահ Բարաք Օբամայի երդմնակալության արարողությունը: Հայաստանը, ոչ թե Հայաստանի հասարակությունը, այլ՝ Հայաստանի Հանրապետությունը այդ համաշխարհային նշանակության իրադարձությանը հետեւելու է բառացիորեն հեռուստադիտողի կարգավիճակով, քանի որ Օբամայի երդման արարողությանը պաշտոնական պատվիրակություն հրավիրված չէ: Իհարկե, կարելի է դրա …

«Էժան փողի քաղաքականությունը Հայաստանի համար նախընտրելի ուղի չէ՝ որպես համաշխարհային տնտեսական ճգնաժամի ազդեցությանը դիմակայելու տարբերակ»,- երեկ հրավիրված ասուլիսում ասել է ՀՀ Ազգային ժողովի Ֆինանսավարկային եւ բյուջետային հարցերի մշտական հանձնաժողովի նախագահ Գագիկ Մինասյանը՝ նշելով, որ ազգային արժույթի թուլացումը դոլարի նկատմամբ կարող է հանգեցնել գնաճի, ինչին Հայաստանի բնակչությունը պատրաստ չէ, ուստի դա արվում է ի շահ ժողովրդի: …

Երեկ ՀՀ նախագահ Սերժ Սարգսյանն ընդունել է Եվրամիության արտաքին հարաբերությունների եւ եվրոպական հարեւանության քաղաքականության հարցերով հանձնակատար Բենիտա Ֆերերո-Վալդներին: Ըստ նախագահի մամուլի ծառայության, ՀՀ-ի եւ ԵՄ-ի միջեւ առկա համագործակցության օրակարգի ընդլայնման տեսանկյունից նպաստավոր համարելով երկկողմ բարձր մակարդակի քաղաքական երկխոսության արդյունավետ շարունակականությունը` Ս. Սարգսյանը գոհունակությամբ արձանագրել է նոյեմբերի սկզբին Բրյուսելում ԵՄ կառույցների ղեկավարների հետ իր հանդիպումների արդյունքում …

Երեկ Բաքու են ժամանել ԵԱՀԿ Մինսկի խմբի համանախագահները: Դրանով նրանք սկսել են 2009թ. տարածաշրջանային առաջին այցը, որի շրջանակներում այսօր կժամանեն Երեւան: Տարեսկզբին ԱՄՆ համանախագահ Մեթյու Բրայզան ադրբեջանական լրատվամիջոցներից մեկում ասել էր, որ կախված քննարկումներից` իրենք հույս ունեն, որ Հայաստանի եւ Ադրբեջանի նախագահներ Սերժ Սարգսյանը եւ Իլհամ Ալիեւը «կհամաձայնեն հանդիպել հունվարի վերջին օրերին»: Ըստ տարբեր տեղեկությունների՝ …

Ի պատասխան Վերահսկիչ պալատի (ՎՊ)` Բնապահպանության ոլորտում հայտնաբերած խախտումների, ասում է Վարդան Այվազյանը Անցյալ շաբաթ Վերահսկիչ պալատի նախագահ Իշխան Զաքարյանը ներկայացրեց ՀՀ Բնապահպանության նախարարությունում եւ նախարարությանը ենթակա «Սեւան ազգային պարկում» տեղի ունեցած չարաշահումների ու խախտումների մասին բազմաթիվ փաստեր: Բնապահպանության նախարարությունում հայտնաբերվել էին 226 մլն դրամի հասնող տարբեր բնույթի խախտումներ ու չարաշահումներ: «Սեւան ազգային պարկի» տարածքում …

Մոսկվայում շաբաթ օրը կայացած` գազային խնդիրներին նվիրված միջազգային համաժողովի ավարտից հետո տեղի է ունեցել Հայաստանի նախագահ Սերժ Սարգսյանի առանձնազրույցը Ռուսաստանի նախագահ Դմիտրի Մեդվեդեւի հետ: Ըստ Հայաստանի նախագահի մամլո գրասենյակի, Ռուսաստանի նախագահը շնորհակալություն է հայտնել հայ գործընկերոջը` հրավերն ընդունելու եւ համաժողովին մասնակցելու համար: Նախագահները բարձր են գնահատել երկու երկրների միջեւ եղած հարաբերությունները` այն բնութագրելով որպես հուսալի …

«Թուրքիան ավելի ամբողջատիրական երկիր է, քան Հայաստանը», «Հայաստանում քաղբանտարկյալներ կան, թե չէ՝ պետք է որոշի դատարանը», «ԵԽ ԽՎ-ում մեր պատվիրակությանը ձայնից զրկելով՝ ճնշում են բանեցնում Հայաստանի արտաքին քաղաքականության վրա, որովհետեւ գոհ չեն, որ oգոստոսյան պատերազմից Հայաստանը հավասարակշիռ ձեւով դուրս եկավ»: Նման` արդեն ամենեւին ոչ ինքնատիպ հայտարարություններով էր համեմված ՀՅԴ քաղաքական հարցերի ու Հայ դատի գրասենյակի …

ԵԽ ԽՎ Մոնիտորինգի հանձնաժողովի համազեկուցողներ Ջոն Պրեսկոտի եւ Ժորժ Կոլոմբիեի Հայաստան կատարած այցից հետո թեեւ իշխանության ներկայացուցիչները ոչ պաշտոնական զրույցներում հպարտանում են, որ այլեւս որեւէ խնդիր չունեն ԵԽ-ի հետ, սակայն խիստ գաղտնի են պահում, թե ինչ երկխոսություն է եղել իրենց եւ համազեկուցողների միջեւ: Լավատեղյակ աղբյուրներից հայտնի դարձավ, սակայն, որ համազեկուցողները միանշանակ պահանջ են առաջադրել, որ …

ԼՂՀ նախագահ Բակո Սահակյանի երեկվա հրամանագրով ԼՂՀ փոխվարչապետ, գյուղատնտեսության նախարար Արմո Ծատուրյանն ազատվել է փոխվարչապետի պարտականությունների կատարումից: Այդ մասին տեղեկացրել են ԼՂՀ նախագահի աշխատակազմի Տեղեկատվության գլխավոր վարչությունից, ըստ որի՝ Բ. Սահակյանի մեկ այլ հրամանագրով` փոխվարչապետի պարտականությունների կատարումը դրվել է ԼՂՀ ֆինանսների նախարար Սպարտակ Թեւոսյանի վրա:

«Բուշը լավ տղա է. նա սիրում է իր ընտանիքն ու իր երկիրը»,- երդմնակալությունից երեք օր առաջ CNN-ին տված իր հարցազրույցում ասաց Բարաք Օբաման: Եվ ոչ մի տհաճ խոսք՝ իր նախորդի հասցեին: Այսօր կեսօրին տեղի ունենալիք ԱՄՆ 44-րդ նախագահ Բարաք Օբամայի երդմնակալության արարողությանն անհամբեր սպասում են ոչ միայն ամերիկացիները. դրան սպասում է թերեւս ողջ աշխարհը: Երդմնակալության …

ԼՂՀ նախագահ Բակո Սահակյանը, անցած շաբաթավերջին Արցախի պետական համալսարանում պատասխանելով ուսանողների հարցերին, ներկայացրել է իր դիրքորոշումները ԼՂՀ կարգավորման հարցում: «Մենք շարունակելու ենք այն ճանապարհը, որը ընտրվել է մեր ժողովրդի կողմից,- ըստ «Ազատություն» ռ/կ-ի՝ ասել է նա` ավելացնելով,- Իհարկե, կա դիվանագիտական աշխատանք, եւ կա մի ձեւաչափ բանակցային գործընթացում, որը, իհարկե, չի կարող նպաստել, որպեսզի այս ձեւաչափում …

Տեղեկություններ կան, թե ՀՀ Արդարադատության նախարարության վառված շենքի տարածքը գնել է անգլիացի մեծահարուստ-բարերար Վաչե Մանուկյանը: Հիշեցնենք, որ 2008թ. փետրվարի վերջին նախարարությունում հրդեհ էր բռնկվել, եւ շենքն ամբողջությամբ այրվել էր: Անգլիահայ Վ.Մանուկյանին է պատկանում նաեւ Արդարադատության շենքի անմիջական հարեւանությամբ գտնվող նախկին «Սեւան» հյուրանոցը, որը տարիներ շարունակ կիսաքանդ է: Երեկ մենք փորձեցինք ՀՀ արդարադատության նախարարից ճշտել, թե …

Երեկ Շենգավիթ համայնքի ընդհանուր իրավասության դատարանի մոտ «7-ի գործով» դատավարությունից հետո ոստիկանները հրել են «Չորրորդ իշխանություն» թերթի ֆոտոլրագրող Գագիկ Շամշյանին: Լրագրողը սայթաքել է եւ գլուխը հարվածել է սյանը: Երեկ ամբողջ օրը Գ. Շամշյանը սուր գլխացավ ու սրտխառնոց է ունեցել: Երեկոյան խմբագրությունից շտապօգնություն են կանչել եւ լրագրողին տեղափոխել են «Էրեբունի» բժշկական կենտրոն: Ստուգումների արդյունքում պարզվել է, …

Երկուշաբթի օրը աշխատանքային այցով Հայաստան է ժամանելու Եվրոպական միության արտաքին հարաբերությունների եւ Եվրոպական հարեւանության քաղաքականության հարցերով հանձնակատար Բենիտա Ֆերերո-Վալդների (Benita Ferrero-Waldner) գլխավորած պատվիրակությունը: Այցի ընթացքում նախատեսված են պատվիրակության հանդիպումները Հայաստանի նախագահ Սերժ Սարգսյանի եւ արտգործնախարար Էդվարդ Նալբանդյանի հետ:

ԱԺ «Ժառանգություն» խմբակցությունը երեկ հայտարարություն է տարածել, որով պահանջում է Հայաստանի գլխավոր դատախազից անհապաղ քրեական գործ հարուցել քրեակատարողական հիմնարկներում կատարվող բռնությունների առնչությամբ: «Դեկտեմբերի 23-ին «Նուբարաշեն» մեկուսարանում կալանավորների նկատմամբ կիրառված բռնության դեպքի հետ կապված «Ժառանգություն» խմբակցության պատգամավորների, Մարդու իրավունքների պաշտպանի եւ իրավապաշտպան տարբեր հասարակական կազմակերպությունների կողմից կատարած այցելությունները վկայում են բռնության դեպքերի աղաղակող փաստերի մասին»,- ասված …

Երեկ Վերաքննիչ քրեական դատարանում դատավոր Գրիշա Մելիք-Սարգսյանի նախագահությամբ սկսվել եւ անմիջապես հետաձգվել է «Հանրապետություն» կուսակցության քաղխորհրդի անդամ Սմբատ Այվազյանի գործով դատական նիստը: Վատառողջ լինելու պատճառով Ս. Այվազյանին չեն բերել դատարան: Իսկ երեկ պետք է քննվեր նրա շահերի պաշտպանների վերաքննիչ բողոքն ընդդեմ Կենտրոն եւ Նորք-Մարաշ համայնքների ընդհանուր իրավասության դատարանի որոշման: Հիշեցնենք, որ դատարանը նոյեմբերի 19-ին Ս. …

ԵԽ ԽՎ Մոնիտորինգի հանձնաժողովի համազեկուցողներ Ջոն Պրեսկոտի եւ Ժորժ Կոլոմբիեի Երեւան կատարած այցի արդյունքում Հայաստանի ժողովրդավարացման ճանապարհին «զգալի առաջընթաց է արձանագրվել». երեկ ոստիկաններն ու կարմիրբերետավորները դաժան ծեծի են ենթարկել Շենգավիթ համայնքի ընդհանուր իրավասության դատարանի շուրջ հավաքված քաղաքացիներին` թույլ չտալով նրանց երթը մինչեւ ՀՀ Գլխավոր դատախազություն: Ամեն ինչ սկսվել է նրանից, որ երեկ եւս «7-ի գործով» …

ՌԴ ԱԳ նախարար Սերգեյ Լավրովը հայտարարել է, որ Ռուսաստանն ուսումնասիրել է ՀՀ-ին ռուսաստանյան զենքի խոշոր մատակարարումների վերաբերյալ ադրբեջանական ԶԼՄ-ների հրապարակումների շուրջ ստեղծված իրադրությունը: «Մենք գլխավոր շտաբի հետ միասին ուսումնասիրեցինք այդ իրադրությունը: Այն մարդը, ում ազգանունը հիշատակվում է ադրբեջանական ԶԼՄ-ներում, ոչ մի փաստաթուղթ չի ստորագրել, եւ անցյալ տարի ՀՀ-ին ոչ մի մատակարարում չի իրականացվել»,- ասել է …