քաղաքականություն

Երեկ ՀՀ նախագահ Սերժ Սարգսյանը շնորհավորական ուղերձ է հղել Համայն Ռուսիո պատրիարքին: Ուղերձում ասված է. «Շնորհավորում եմ Ձեզ Մոսկվայի եւ Համայն Ռուսիո պատրիարք ընտրվելու կապակցությամբ: Վստահ եմ, որ Ձեր հովվապետությամբ կհզորանա Ռուս Ուղղափառ եկեղեցու դերը ռուսաստանյան հասարակության կյանքում, կամրապնդվեն նրա հոգեւոր եւ բարոյական արժեքները, ինչպես նաեւ՝ կզարգանա միջկրոնական եւ միջդավանանքային երկխոսությունը Ռուսաստանում եւ նրա սահմաններից …

Երեկ «Այլընտրանք» նախաձեռնությունը դիմել է ՀՀ Մարդու իրավունքների պաշտպան Արմեն Հարությունյանին: Նամակում ասված է. «Ամենատարբեր առիթներով Դուք բազմիցս հայտարարել եք, որ «7-ի գործով» մեղադրվողներին քաղբանտարկյալ կոչել-չկոչելու հարցը պարզ կդառնա միայն նրանց դատավարության ավարտից հետո: Չանդրադառնալով այսօրինակ պատճառաբանությանը` Ձեզ հարց ենք ուղղում. Արդեն իսկ կան բազմաթիվ ավարտված գործեր, վաղուց ուժի մեջ մտած դատավճիռներ: Ըստ այդմ` Դուք …

Երեկ Ռուսաստանի ֆինանսների նախարար Ալեքսեյ Կուդրինը հայտարարել է, որ տնտեսական ճգնաժամի պատճառով այս տարի ՌԴ պետական բյուջեի եկամուտները կկրճատվեն 40 %: Խոսքը մի երկրի մասին է, որից Հայաստանի իշխանությունները ակնկալում են 200 միլիոնից մինչեւ 1 մլրդ դոլար ֆինանսական օգնություն: Եվ ակնհայտ է, որ նման պայմաններում գտնվող Ռուսաստանը մեզ փող կտա բացառապես քաղաքական նկատառումներով: Սակայն ՌԴ …

Կենտրոն եւ Նորք-Մարաշ համայնքների ընդհանուր իրավասության դատարանում երեկ կայացավ Գլխավոր դատախազի նախկին տեղակալ Գագիկ Ջհանգիրյանի դատավարությունը: Այս անգամ վկայություն էր տալիս Ոստիկանության Հատուկ նշանակության վարչության նախկին պետ Տիգրան Հովհաննիսյանը: Վերջինս սկզբում պատմեց, թե Գ.Ջհանգիրյանին բերման ենթարկելու օրը` 2008թ. փետրվարի 23-ին, Ոստիկանության 6-րդ վարչության պետի տեղակալ Կարեն Բաբակեխյանը «խումբ է ուզել Ոստիկանության մեկ այլ` Քրեական վարչության …

Երեկ Շենգավիթ համայնքի ընդհանուր իրավասության դատարանում սկսվեց ու «ավանդույթի համաձայն»՝ միանգամից ավարտվեց «7-ի գործով» հերթական դատավարությունը: Դատավոր Մնացական Մարտիրոսյանի ներս մտնելու պահին քաղբանտարկյալները կրկին ոտքի չկանգնեցին, եւ նա նորից որոշեց նիստը հետաձգել «դատարանի նկատմամբ անհարգալից վերաբերմունքի» պատճառաբանությամբ: Այս անգամ միակ տարբերությունն այն էր, որ դատարան չէր եկել քաղբանտարկյալ, պատգամավոր Հակոբ Հակոբյանը: Ինչպես հայտնի է, առողջական …

Անցած շաբաթ կտրուկ վատթարացել էր «7-ի գործով» քաղբանտարկյալ, պատգամավոր Սասուն Միքայելյանի առողջական վիճակը: Նա գտնվում է Երեւան-Կենտրոն քրեակատարողական հիմնարկում, որտեղ էլ անցած շաբաթ պատգամավորի համար շտապօգնություն է կանչվել: Ս.Միքայելյանը տարիներ առաջ ինֆարկտ է տարել: Նրա պաշտպան Հովիկ Արսենյանի խոսքերով. «Ճնշումը սարսափելի ցածր է, սրտի աշխատանքը` անկանոն»: Բացի այդ, Ղարաբաղյան պատերազմի ժամանակ Ս.Միքայելյանը գլխի հատվածում վիրավորվել …

«Մենք չէինք էլ ցանկանում, որ Հայաստանը Եվրախորհրդում զրկվեր ձայնի իրավունքից, եւ ԵԽ ԽՎ որոշումը ընդդիմության ձախողում կամ էլ իշխանության հաղթանակ չի կարելի համարել: ԵԽ ԽՎ-ն լրացուցիչ ժամանակ տվեց Հայաստանի իշխանություններին` համապատասխան քայլեր կատարելու համար»,- երեկ ասուլիսում հայտարարեց ՀԺԿ առաջնորդ Ստեփան Դեմիրճյանը: Ըստ նրա` այս բանաձեւն ընդունվել է, քանի որ իշխանությունները խոստացել են փոփոխություններ կատարել Քրեական …

Հայ Ազգային կոնգրեսը (ՀԱԿ) երեկ հայտարարություն է տարածել ՀՀ-ում օրեցօր խորացող տնտեսական ճգնաժամի եւ հնարավոր ծանր հետեւանքների մասին, որը տպագրում ենք ամբողջությամբ: «Հանրապետությունում օրեցօր խորանում է ֆինանսատնտեսական ճգնաժամը։ Դրա հետեւանքն էր անցած տարվա վերջին եռամսյակում տնտեսական անկումը, տնտեսության բոլոր ճյուղերում ծավալների կրճատումը, երկրի մակրոտնտեսական իրավիճակին սպառնացող վտանգը։ Անխուսափելի դժվարությունները դիմագրավելու եւ տարածվող ճգնաժամի հետեւանքները մեղմելու …

Իշխանությունը ներկայացնող գործիչները, ովքեր ճակատագրի բերումով առիթ են ունեցել նաեւ ընդդիմություն լինել, հատկապես ԵԽ ԽՎ-ում մեր պատվիրակության ձայնի իրավունքին անդրադառնալիս, նշում են, թե, ի տարբերություն ընդդիմության ներկայացուցիչների, իրենք հայրենասեր են այնքան, որ երբեւէ իրենց թույլ չեն տա դրսում քննադատել մեր երկիրը: Այսինքն՝ ունենալով Ղարաբաղի խնդիր, մենք պետք է մեր երկրի՝ ամենեւին ոչ ձյունաճերմակ սպիտակեղենն այլոց …

ԵԽ ԽՎ-ում գտնվող Հայ Ազգային կոնգրեսի ներկայացուցիչներ Լեւոն Զուրաբյանն ու Արման Գրիգորյանը երեկ ԵԽ բոլոր կառույցներին տարածել են ԵԽ ԽՎ 1643 բանաձեւի վերաբերյալ ՀԱԿ գնահատականը պարունակող հայտարարությունը: «Մեր կարծիքով` ԵԽ բանաձեւն ընդունվել է ոչ ճշգրիտ ինֆորմացիայի վրա, եւ մենք առաջարկում ենք ստեղծված իրավիճակն ուղղելու մեր ուղղություններն ու հնարավորությունները»,- երեկ մեր թղթակցի հետ զրույցում ասել է …

Երեկ Ցյուրիխի «Ռադիսոն» հյուրանոցում կայացել է ՀՀ եւ Ադրբեջանի նախագահներ Սերժ Սարգսյանի ու Իլհամ Ալիեւի հանդիպումը: Հանդիպման մասին պաշտոնական հաղորդագրությունը, ըստ էության, որեւէ տեղեկություն չի պարունակում: Նշվում է միայն, որ նրանց դեմ առ դեմ հանդիպումը տեւել է մոտ մեկ ժամ, այնուհետեւ շարունակվել է ընդլայնված կազմով` երկու երկրների ԱԳ նախարարների եւ ԵԱՀԿ Մինսկի խմբի համանախագահների մասնակցությամբ: …

Եվրախորհրդի մարդու իրավունքների հանձնակատար Թոմաս Համարբերգի համոզմամբ, ԵԽ ԽՎ-ի` Հայաստանի պատվիրակությանը ձայնից չզրկելու վերաբերյալ երեկ կայացրած որոշումը դեռեւս չի նշանակում, որ վերահսկողությունը ՀՀ-ի նկատմամբ դադարեցվելու է: Պատասխանելով Հայաստանի Քրեական օրենսգրքի 225 եւ 300 հոդվածներում նախատեսվող փոփոխությունների վերաբերյալ «Ազատություն» ռ/կ-ի թղթակցի հարցին, Թ. Համարբերգն ասաց, որ իր կարծիքով, եթե դրանք փոխվեն, արդյունքը կլինի այն, որ դատախազը …

Երեկ ԵԽ ԽՎ-ում ադրբեջանական պատվիրակության անդամները շրջանառության մեջ են դրել մի փաստաթուղթ, որով Վեհաժողովի մասնակիցներին ցանկանում են «տեղեկացնել, թե 60 տարի առաջ ադրբեջանցիներին Հայաստանից վտարել են»: «Հայաստանը չի ցանկանում ճանաչել այն ադրբեջանցիների վերադարձի իրավունքը, ովքեր վտարվել են իրենց հողերից 1948-53թթ.-ին: Արդեն 60 տարի Հայաստանը խախտում է մարդու հիմնարար իրավունքները, 150.000 ադրբեջանցու, ովքեր վտարվել են 20-րդ …

Հունվարի 25-ին լրացավ Հայաստանի` Եվրախորհրդին անդամակցելու 8-րդ տարին: Դրանից ընդամենը 2 օր անց ԵԽ-ի ամենագլխավոր կառույցներից մեկը` Խորհրդարանական վեհաժողովը, քննարկում էր Հայաստանի պատվիրակությանը ձայնի իրավունքից զրկելու հարցը: Իհարկե, մեր պատվիրակությանը ձայնից չզրկեցին, առաջադրված պահանջները կատարելու համար մինչեւ ապրիլյան նստաշրջան ժամանակ տվեցին, սակայն պատժամիջոցներ կիրառելու սպառնալիքը, մոտ 1 տարի է` կախված է մնում Հայաստանի վրա: Եվ …

Ինչպես եւ սպասվում էր, ԵԽ ԽՎ-ի ընդունված նոր` 1643 բանաձեւի հետ կապված Հայաստանի իշխանական շրջանակների ոգեւորությունը առաջին հերթին կապված էր դրանում «քաղաքական բանտարկյալ» արտահայտության բացակայության հետ: Թեեւ նույնիսկ իշխանությունների համակրանքը վայելող Ջոն Պրեսկոտը ԵԽ ԽՎ լիագումար նիստում հայտարարեց, թե բանաձեւում դրա բացակայությունը չի նշանակում, որ Հայաստանում քաղբանտարկյալներ չկան: Բացի այդ, դա է հաստատում նաեւ բանաձեւի …

«7-ի գործով» քաղբանտարկյալ, ԱԺ պատգամավոր Հակոբ Հակոբյանը երեկվա դրությամբ դեռ գտնվում էր Դատապարտյալների հիվանդանոցում, ուր շաբաթ օրը տեղափոխվել էր որովայնի շրջանում ունեցած սուր ցավերի պատճառով: Բժիշկներն ախտորոշել են դիսբակտերիոզ հիվանդությունը: Երեկ Հ. Հակոբյանի պաշտպան Մելանյա Առուստամյանը մեր թղթակցին ասել է, որ նա սիստեմաներ է ընդունում, եւ ցավերը մեղմացել են: Սակայն Մ. Առուստամյանը չի կարողացել հստակ …

Վերջին հինգ տարում Հայկական հեռուստատեսությունը վերջնականապես այլասերվեց: Կորցնելով իր հասարակական նշանակությունը` հեռուստատեսությունը որպես զանգվածային լրատվության միջոց վերածվեց իշխանությանը եւ օլիգարխներին սպասարկող մասնավոր-պետական հոլդինգի: Այսպես Հայաստանում ստեղծվեց հանրային եւ մասնավոր հեռուստաընկերություններից բաղկացած իշխանության հեռուստատեսություն: «Անկախ» հեռուստաընկերություններ կոչվող «օբյեկտները» սեփականաշնորհվեցին օլիգարխների կողմից գրեթե կամավոր-ստիպողական հիմունքներով, եւ հիմա նրանք փորձում են ինքնահատուցել ծախսերը աննախադեպ առեւտրա-գովազդային գործունեությամբ: Ինչպե՞ս է …

ՀՀ Ազգային ժողովի նախագահ Հովիկ Աբրահամյանի հրամանով խորհրդարանում ստեղծվել է աշխատանքային խումբ, որը պետք է մշակի ՀՀ Քրեական օրենսգրքի 225-րդ եւ 300-րդ հոդվածներում փոփոխություններ եւ լրացումներ կատարելու մասին օրենքի նախագիծը: Աշխատանքային խումբը ղեկավարելու է ԱԺ Պետաիրավական հարցերի մշտական հանձնաժողովի նախագահ, ԵԽ ԽՎ-ում հայկական պատվիրակության ղեկավար Դավիթ Հարությունյանը: Խումբը մինչեւ 2009 թվականի փետրվարի 19-ը պետք է …

Վաղը նախագահ Սերժ Սարգսյանն աշխատանքային այցով կմեկնի Շվեյցարիա` Դավոսի համաշխարհային տնտեսական համաժողովին մասնակցելու նպատակով: այդ մասին հայտնում են նախագահի մամլո գրասենյակից: Նույն այցի շրջանակներում կրկին վաղը Ցյուրիխում կայանալու է Հայաստանի եւ Ադրբեջանի նախագահների հանդիպումը: Նշենք, որ դա լինելու է Սերժ Սարգսյանի եւ Ալիեւի` այս տարվա առաջին եւ, ընդհանուր առմամբ, երրորդ հանդիպումը: Իսկ մինչ այդ երեկ …

Երեկ Ստրասբուրգում կայացել է ԵԽ ԽՎ Մոնիտորինգի հանձնաժողովի նիստը, որի արդյունքում, ըստ ԵԽ ԽՎ-ում հայկական պատվիրակության անդամների, այսօր Հայաստանը չի զրկվի այդ կառույցում ձայնի իրավունքից: Ինչպես այդ նիստից հետո ասել է ԵԽ ԽՎ-ում հայկական պատվիրակության անդամ Արմեն Ռուստամյանը, Մոնիտորինգի հանձնաժողովը 6 փոփոխություն է կատարել ՀՀ-ին ձայնի իրավունքից զրկելու առաջարկ պարունակող` դեկտեմբերի 17-ին ընդունված բանաձեւում: «Գլխավոր …