հասարակություն

Էրեբունի թանգարանի հարեւանությամբ գործող ավտոշուկայի տարածքում, ժամը 13:00-ի սահմաններում, արտասահմանյան արտադրության BMW մակնիշի 04 ՍՕ 431 պետհամարանիշի ավտոմեքենայի վարորդը, խախտելով ճանապարհային երթեւեկության կանոնները, ավտոմեքենան կայանել էր ճանապարհային երթեւեկության 2-րդ գոտում` ստեղծելով արհեստական խցանում: Նշված տարածքում իրենց ծառայությունը կատարող ՊԱՏ բաժնի տեսուչ ոստիկանության սպան, մոտենալով օրինազանց վարորդին` պահանջեց, որպեսզի նա ավտոմեքենան այդ հատվածում չկանգնեցնի, քանի որ …

Երեկ Երեւանի քաղաքապետարանում տեղի ունեցած ճեպազրույցի ժամանակ գլխավոր ճարտարապետ Սամվել Դանիելյանն ուրվագծեց այն ուղին, որով անշեղորեն պատրաստվում է ընթանալ Երեւանի քաղաքապետարանն առաջիկա 10-15 տարիների ընթացքում: Այս տարի քաղաքապետարանը մտադիր է Երեւանի գլխավոր հատակագծի պահանջների համաձայն` մշակել համայնքների գոտեւորման նախագիծ, որը, ըստ գլխավոր ճարտարապետի, հստակեցնելու է յուրաքանչյուր համայնքի քաղաքաշինական չափանիշները: Երեւան քաղաքի համալիր կանաչապատման սխեմայի համաձայն` …

Մինչ քաղաքային իշխանությունները հորդորում են, թե ամեն ինչ անում են մայրաքաղաքի փողոցները կարգի բերելու ուղղությամբ՝ Երեւանի որոշ փողոցների հատվածներ, այնուամենայնիվ, ծառայում են որպես հասարակական զուգարաններ: Շաբաթ եւ կիրակի օրերին «Էրեբունի» թանգարանից մինչեւ Նուբարաշենի խճուղի ընկած հատվածում գործում է ավտոշուկա, որտեղ այդ օրերին առուծախի համար այցելում են շուրջ 10.000-15.000 մարդ: Հսկայական այդ տարածքում բացակայում են հասարակական …

ՀՀ Սահմանադրական դատարանը քննության կառնի Գլխավոր պողոտայի կառուցապատման պատճառով Բուզանդի փողոցի իրենց տներից զրկված քաղաքացիների խնդրով օմբուդսմենի դիմումը: Առաջին նիստը կկայանա մարտի 21-ին:

1990թ. բնակիչների հետ կնքվել են վարձակալության պայմանագրեր: ԽՍՀՄ փլուզումից հետո բնակիչները դիմել են համապատասխան ատյանների՝ տարիներ ի վեր իրենց տնօրինած տարածքներն օրինականացնելու համար: Դիմել են Աջափնյակի թաղապետարան, որտեղ եւ պարզել են, որ իրենց նշած տարածքը որեւէ տեղ քարտեզագրված չէ: Դիմել են կադաստր, որտեղից եւս չեն կարողացել ճշտել՝ որտեղ է ամրագրված վերոհիշյալ «9 հա» կոչվող տարածքը: …

Փետրվարի 28-ին, 22:00-ի սահմաններում անհայտ քաղաքացուց Ոստիկանության Արարատի մարզային Արտաշատի բաժին ահազանգ է ստացվել այն մասին, որ Վերին Արտաշատ գյուղի գինու գործարանին հարակից տարածքում տղամարդու դիակ կա: Տղամարդու այլակերպված դիակն ընկած էր գետնին, դեմքը` ուռած, աչքերը` կիսաբաց: Դեպքի վայր մեկնած Արտաշատի Ոստիկանության եւ Դատախազության աշխատակիցները, դիակի արտաքին զննությամբ մարմնի վրա հայտնաբերեցին հրազենային 3 վնասվածք, իսկ …

Վերջին ժամանակներս շատացել են այնպիսի դեպքերը, երբ ծնողները փողոցներում դիտավորյալ կորցնում են երեխաներին: Օրեր առաջ կրկին նման միջադեպ է եղել «Սասունցի Դավիթ» կայարանի մերձակայքում: Մեր տեղեկություններով՝ ՀՀ Ոստիկանության տրանսպորտային վարչության Երեւան կայարանի գծային բաժնի աշխատակիցները «Սասունցի Դավիթ» կայարանի վարչական շենքում հայտնաբերել են միայնակ մնացած 3-ամյա աղջիկ երեխայի: Երեխային ուղարկել են «Հայ օգնության ֆոնդի» երեխաների ընդունման …

«Որ եկել՝ մեզ գտել ես, ուրեմն կգնաս մեր մասին հոդվածի վերեւում մեծ-մեծ տառերով վերնագիր կգրես` Հայաստանի Հանրապետության անտեր մնացած դիակները»,- այսպես արտահայտվեցին Առողջապահության նախարարության Ճառագայթային վնասվածքաբանության եւ այրվածքների կենտրոնում բուժվող չեռնոբիլյան արհավիրքից տուժած մարդիկ: Թեեւ բուժվում են, բայց բոլորն էլ հասկանում են, որ բժիշկները պարզապես իրենց կյանքն են երկարացնում, եւ Չեռնոբիլի դեպքից մնացած իրենց հիվանդությունները …

Հայաստանում բավականին շատ կին գործարարներ, բժիշկներ, իրավաբաններ, լրագրողներ կան, սակայն քաղաքականության մեջ նրանց դերն աննշան է: Եթե տղամարդիկ քաղաքականության մեջ կնոջ դերի բարձրացմանը հիմնականում դեմ են, ապա կանանց վերաբերմունքն այդ խնդրին մշուշոտ է: Կանանցից շատերը վառ ընդգծված ապաքաղաքական դիրքորոշում ունեն եւ գերադասում են այդ ոլորտը տղամարդկանց թողնել: Սակայն երբ պահը հասունանում է, եւ որեւէ կին …

Երեւանից ոչ հեռու գտնվող Խարբերդ գյուղում այգեգործական ընկերություն կա: Այնտեղ սովետական տարիներին ամառանոցներ են եղել, այժմ այդ տարածքը վերածվել է յուրօրինակ բնակավայրի: Տներն այնտեղ շատ էժան են` 700 դոլարից մինչեւ 6000-7000 դոլար: Դա է պատճառը, որ «այգեգործական ընկերության» այժմյան բնակիչները մեծամասամբ նախկինում դատված կամ սնանկացած մարդիկ են, ովքեր այլ ճար չունենալով` տեղափոխվել են այստեղ: Թեեւ …

Ոլորտի մասնագետների ասելով՝ մոտ 10 տոկոսն էլ պատրաստվում է այլ մասնավոր դպրոցներում, իսկ մյուսները վարորդ են դառնում ինքնուրույն ուսուցման եղանակով: Հատկապես գյուղական բնակավայրերում մեքենա վարել սովորում են ինքնուրույն: Բայց այս բոլոր «ուսանողները» վարորդական իրավունքի փաստաթուղթը ստանալու համար «ավարտական» քննությունը հանձնում են Պետավտոտեսչությանը: Հայաստանում ճանապարհային երթեւեկության հետ կապ ունեցող բոլոր մարդիկ՝ հետիոտնը, վարորդը, պետավտոտեսուչը, այսինքն` բոլորը …

Խռոված նստած է վառարանի մոտ եւ ցուցադրաբար հպարտ կեցվածք ընդունելով` ուզում է ձեւացնել, թե հասակակիցներից ոչնչով չի տարբերվում: Ամեն օր դպրոցից տուն վերադառնալիս Տաթեւիկը մորը նկարագրում է, թե դասարանցիներն ինչ նոր հագուստ են հագել, ինչպես են մազերը հարդարել, ինչպիսի շքեղ գրենական պիտույքներ են գնել, որից հետո արժանանում է մոր կշտամբանքներին՝ «Մի՛ համեմատվիր իրանց հետ»: Մայրը՝ …

Վերջին 15 տարիների ընթացքում հանրապետությունում ծնելիության մակարդակը երեք անգամ նվազել է: Կոպիտ հաշվարկով, բնականաբար, երեք անգամ էլ պակասած կլինեն մանկական մահացության դեպքերը, սակայն սա դեռ չի նշանակում, որ մանկական մահացության ցուցանիշները մեզ մոտ հուսադրող են: Օրինակ, Մերձբալթյան երկրների հետ համեմատության արդյունքում պարզվել է, որ մանկական մահացություններով մենք կրկնակի անգամ առաջ ենք Լատվիայից, Լիտվայից ու Էստոնիայից: …

Ծաղկաձորում փետրվարի 25-ին եւ 26-ին անցկացվեց գիտաժողով նվիրված «Սոցիալական պետություն» թեմային: Գիտաժողովը կազմակերպել էին Հետազոտական ռեսուրսների կովկասյան կենտրոններ (ՀՌԿԿ) – Հայաստանը եւ Գերմանական ակադեմիական փոխանակման ծառայության հայաստանյան գրասենյակը (ԳԱՓԾ): Կոնֆերանսին ներկա էին ՀՀ կրթության եւ գիտության փոխնախարարը, Կենտրոնական բանկի խորհրդի ներկայացուցիչը, հայ եւ արտասահմանցի փորձագետներ, ինչպես նաեւ` Գերմանական ակադեմիական փոխանակման ծրագրի (ԳԱՓԾ) բազմաթիվ շրջանավարտներ` տնտեսագիտության, …

Մարտի լույս 26-ի գիշերը, ժամը 02:00-ին Հայաստանն անցնում է «ամառային» ժամանակի. ժամացույցների սլաքները տեղաշարժվում են մեկ ժամ առաջ:

Մինչեւ փետրվարի 28-ը մեր ժողովուրդը հույս ուներ, որ մեր «մեծ եղբայր» Ռուսաստանը Հայաստանին մատակարարվող գազի գինը չի բարձրացնի կամ էլ քիչ կբարձրացնի: Հույս կար, որ մի քանի ամիս տեւող բանակցություններն, այնուամենայնիվ, ինչ-որ արդյունք կտան, եւ մեր ռազմավարական համարվող գործընկերն այնքան դաժան չի լինի, որ գազը միանգամից կրկնակի չափով թանկացնի: Սակայն այս երկու պետությունների գործընկերային ջերմ …

2005թ. ՀՀ-ում արձանագրվել է 2463 գողության, տրանսպորտային միջոցների փախցնելու՝ 96 դեպք: Արձանագրված գողությունների բացահայտման ցուցանիշներում նկատվել է նվազում. եթե 2004թ. գողությունների բացահայտումը եղել է 77,1%, ապա 2005-ին այն կազմել է 75,0%: Սեփականության դեմ ուղղված հանցագործությունների հետեւանքով ՀՀ քաղաքացիները տարեկան կրում են 60-90 մլն ԱՄՆ դոլարի նյութական վնաս: Գողացել են քրեական գործը Ոստիկանության Գեղարքունիքի մարզային վարչության …

Արդեն մի քանի օր է, ինչ մի խումբ սպիտակ խալաթավորներ ներկայանալով որպես թռչնագրիպի դեմ պայքարող անասնաբույժներ` տարբեր գյուղերում շրջելով` խարդախությամբ հափշտակում են գյուղացիների հավերը: Մեր տեղեկություններով` սպիտակ խալաթներ հագած մարդիկ գյուղացիներին խաբում են, թե հավերին տանում են բժշկական փորձաքննության եւ այդ կերպ մեծ քանակությամբ հավեր են հավաքում: Հավերի հավաքման նման դեպքեր են եղել Կոտայքի մարզի …

Շիրակի մարզի Աշոցքի տարածաշրջանում, որը սահմանամերձ է Թուրքիային, սատկած վայրի թռչուններ են հայտնաբերվել: Երեկ պաշտոնապես հայտարարվել է, որ լաբորատոր ստուգումները թռչնագրիպի վիրուս չեն հայտնաբերել: Սակայն շրջանի բնակիչները թերահավատորեն են մոտենում այդ ստուգումներին: Նրանց հավաստմամբ, դեռ մի քանի օր առաջ սատկած թռչուններ հայտնաբերելով` նրանք տեղեկացրել են համապատասխան մարմիններին: Իսկ վերջիններս արագորեն ձեռնամուխ են եղել դրանց այրմանը: …

Արցախի 4-րդ նրբանցքում, Սովետական տարիներից մնացած ու լուծարված գործարաններից բացի, ոչ մի բնակելի շենք չկա: Տէցի, Քիմռեակտիվի, Ալրաղացի եւ շարքից դուրս եկած այլ գործարանների հարեւանությամբ, ուր կենդանի շունչ չկա, երեւում է մի փլված շինություն, որտեղ նախկինում ինչ-որ ուսումնարան է գործել: Մեր այցելությունից զարմացած (քանի որ քաղաքի այդ հատված գրեթե մարդ չի այցելում)` շենքից դուրս է …