Տնտեսություն

Եվրոպական առաջատար «Էյրբաս» ընկերությունը մտադիր է նոր տիպի մարդատար եւ բեռնատար օդանավ թողարկել։ Այսպիսով «Էյրբասը» քաղաքացիական ավիացիայի դաշտում ակտիվացնում է իր պայքարն ամերիկյան հզոր Boeing Co. ընկերության հետ։ Ինչպես տեղեկացրել է «Էյրբասի» ներկայացուցիչը՝ 10 միլիարդ դոլար կպահանջվի նոր լայների ստեղծման համար։ «Էյրբասը» նաեւ հայտնել է, որ ծրագրեր կան ստեղծել Ա-330 բեռնատար օդանավի տարբերակը, որը շուկա …

«Ռեգնումի» փոխանցմամբ, հուլիսի 16-ին «Երեւան» երկաթգծի կայարանում «Մասիս» կայարանից ժամանած 31 տոննայանոց ցիստեռնից անուշադրի սպիրտի (ամոնիակ) արտահոսք է տեղի ունեցել: ՀՀ Փրկարարական ծառայության հավաստմամբ, դեպքի վայր են ժամանել «Նաիրիտի» մասնագետները եւ վերացրել են հեղուկի արտահոսքը: Ցիստեռնը վերադարձվել է ձեռնարկություն:

Մինչեւ այդ անձրեւները վիճակն այնպիսին էր, որ հողագործությամբ ու անասնապահությամբ զբաղվող գյուղացիները կորցնում էին այս տարվա իրենց ամբողջ բերքը, խոտ չլինելու պատճառով՝ նաեւ անասունների որոշ խմբաքանակը: Իհարկե, այս վիճակն Արարատյան դաշտավայրի հողագործներին չի վերաբերում, որովհետեւ այդտեղ ոռոգման համակարգ է գործում, եւ ցանքատարածությունները ժամանակ առ ժամանակ ջրվում են: Խոսքը վերաբերում է լեռնային եւ նախալեռնային շրջաններին, որտեղ …

Արդեն 8-րդ օրն է, ինչ փակ է Վերին Լարսի անցակետը: Այնտեղ կուտակված մեքենաները ճանապարհից շրջվել ու ետ են վերադարձել՝ ռուսական կողմի մեքենաները՝ դեպի Նովոռոսիյսկ, վրացականը՝ Փոթի նավահանգիստ, որպեսզի գոնե լաստանավով կարողանան Հայաստան կամ Ռուսաստան հասնել: Բայց արի ու տես, որ ռուսական կողմն այդ մեքենաների համար նույն խնդիրն է ստեղծել նաեւ Նովոռոսիյսկում: Ետ վերադարձող հայկական 15 …

Ներկայումս հայաստանցիների ուշադրության կենտրոնում գտնվող իրադարձություններից մեկն էլ «Ոսկե ծիրան» կինոփառատոնն է։ Չնայած կազմակերպչական բնույթի որոշ թերություններին, փառատոնն արդեն կարելի է կայացած երեւույթ համարել։ Ի դեպ, ծիրանի մասին վերջերս շատ խոսվեց։ Սկզբում այն համեմատվեց դոլարի հետ, հետո ուշադրության կենտրոնում հայտնվեց այն պատճառով, որ ծիրանի այգիների վրա որոշ պաշտոնյաներ վերահսկողություն էին սահմանել եւ նախապես գնել բերքը՝ …

Հուլիսի 14-ի առավոտյան Հայաստանի էներգահամակարգում տեղի ունեցած մեծ վթարի հետեւանքով հոսանքազրկվել է Երեւանի Կենտրոն համայնքը: «Առկայի» փոխանցմամբ, Ատոմային էներգետիկայի եւ ռադիացիոն անվտանգության վերահսկողության պետական տեսչության ղեկավար Աշոտ Մարտիրոսյանը հավաստիացրել է, որ վթարի հետեւանքով հայկական ԱԷԿ-ն անջատվել է ՀՀ էներգահամակարգից, սակայն միջուկային եւ ռադիացիոն անվտանգության նորմերի որեւէ խախտում չկա: «Դեռ հստակ չէ, արդյո՞ք ԱԷԿ-ը էներգահամակարգից անջատվել …

Այս կարծիքին է ՀՀ Կենտրոնական բանկը։ Ինչպես հաղորդում է «Ռեգնում» գործակալությունը, ԿԲ-ն կանխատեսում է, որ դոլարի արժեզրկումը կշարունակվի ինչպես 2006-ի երկրորդ կեսում, այնպես էլ` 2007-ի առաջին կիսամյակի ընթացքում։ 2006թ. երկրորդ եռամսյակում ազգային դրամն արժեւորվել է 6.54%-ով, ինչը բացատրվում է միջազգային շուկայում դոլարի դիրքերի թուլացմամբ եւ տրանսֆերտների աճով։ ԿԲ տվյալներով, ուղղակի մասնավոր տրանսֆերտները 2006թ. երկրորդ եռամսյակում …

Երեւանում գտնվող ՌԴ տրանսպորտի նախարար, հայ-ռուսական միջկառավարական տնտեսական համագործակցության հանձնաժողովի համանախագահ Իգոր Լեւիտինը երեկ հայտարարել է, թե ռուսական «Սիստեմա» ընկերությունը մտադիր է կամ գնել, կամ կառավարման վերցնել «Գույք` պարտքի դիմաց» պայմանագրով Ռուսաստանին փոխանցված «Մարս» գործարանը: Ըստ «Առկա»-ի` Լեւիտինն ասել է, թե Ռուսաստանի կառավարությունն արդեն ստացել է «Սիստեմա» ընկերության հայտը եւ հիմա քննարկում է հարցը: Հայ-ռուսական …

Ռուսաստանի կողմից Վերին Լարսի անցակետի փակումը կարծես առիթ էր, որ մեր գործարար շրջանակներում նորից քննարկվեն հայ-թուրքական սահմանի բացման տնտեսական հեռանկարները: Իհարկե, մեր արեւմտյան սահմանի բացումը միանշանակ չի գնահատվում հայ գործարարների կողմից: Ավելին, այդ հարցի հետ կապված կան իրարամերժ երկու կարծիքներ: Մի կողմը գտնում է, որ Թուրքիայի սահմանի բացումը մեզ կտա արտաքին աշխարհի հետ կապող երրորդ …

ՀՀ ֆինանսների եւ էկոնոմիկայի նախարարությունը հրապարակել է «ՀՀ պետական պարտքի հաշվետվությունը» 2006թ. հունվարի 1-ի դրությամբ։ Պետական պարտքի նկատմամբ մեր հասարակության զգուշավոր վերաբերմունքը ավանդական է դարձել։ Նույնքան ավանդական է քաղաքական ուժերի անտարբերությունն այս ոլորտի հանդեպ։ Պատճառը հավանաբար այն է, որ մեր հայրենի իշխանություններն, ի վերջո, սովորել են պարտք վերցնել։ Դա կարելի է արձանագրել երկրի արտաքին պարտքի …

Ինչպես արդեն գրել ենք նախկինում, այնտեղ դժվար թե հիշատակված լինի «Կովկասյան վագր» կամ կատվազգիների ընտանիքի որեւէ այլ կենդանի։ Ինչեւէ, զեկույցի 8-րդ գլուխն արդեն գրեթե պատրաստ է։ Այն վերաբերում է, այսպես կոչված, գիտատար (գիտելիքների վրա հիմնված) տնտեսությանը, դրա վիճակին եւ հեռանկարներին։ Հեղինակները մի քանիսն են, սակայն աշխատանքները հիմնականում կատարել է ՀԲ տնտեսագետ Եվգենի Կուզնեցովը, որը 2004թ. …

Արդեն մի քանի տարի է, ինչ Հայաստանում բանկերն ու վարկային կազմակերպություններն ակտիվորեն սկսել են մասնակցել սպառողական ապրանքների ապառիկ վաճառքին: Նրանք քաղաքացիներին վարկեր են տրամադրում` տարբեր ապրանքների ձեռքբերման կամ տարաբնույթ անձնական ծախսերի (կրթության, բուժման, հանգստի եւ այլն) համար: Նշենք, որ անշարժ գույքի ձեռքբերման համար տրամադրվող հիփոթեքային վարկը սպառողական վարկ չի համարվում: ՀՀ Կենտրոնական բանկի տվյալներով, Հայաստանում …

Երեկ Երեւանում հայ-ռուսական միջկառավարական հանձնաժողովի համանախագահ, ՌԴ տրանսպորտի նախարար Իգոր Լեւիտինը հայտարարել է, որ Հայաստանի եւ Ռուսաստանի միջեւ ապրանքաշրջանառությունը 2006-ի առաջին 4 ամիսներին կազմել է 130 միլիոն դոլար, ինչը երկու անգամ ավելի է նախորդ տարվա նույն ցուցանիշից: Ըստ նրա, 2005թ. ընթացքում Հայաստանի եւ Ռուսաստանի միջեւ ապրանքաշրջանառությունը կազմել է 293 միլիոն դոլար: Լեւիտինը Երեւանում նաեւ ներկայացրել …

Ըստ «ԱՌԿԱ»-ի, այս տարվա հոկտեմբերի 1-ից 45 օրով Հայաստանի ատոմակայանը կկանգնի հերթական պլանային նորոգման եւ միջուկային վառելիքի լիցքավորման համար: Ծրագրվում է նորոգել հիմնական սարքավորումների մի մասը, տուրբինները, եւ ստուգել մետաղական կառուցվածքները: ՀԱԷԿ գլխավոր տնօրեն Գագիկ Մարկոսյանը նշել է, որ 45 օրերի ընթացքում իրականացվելու է նաեւ 6 կարեւոր միջոցառում` ուղղված ատոմակայանի անվտանգության ամրապնդմանը: Դրան օգնելու են …

«Գազպրոմը» հայկական կողմին Իրան-Հայաստան գազամուղի ձեռքբերման վերաբերյալ դեռ ոչ մի առաջարկ չի արել: Այս մասին «Ռեգնումին» հաղորդել է ՀՀ Էներգետիկայի նախարարության մամուլի քարտուղար Լուսինե Հարությունյանը: Նրա խոսքերով, նախարարությունը գազամուղի վաճառքի կապակցությամբ ոչ մի բանակցություն չի վարում: Մեկնաբանելով «Գազպրոմի» կառավարման փոխնախագահի վերջերս կատարած հայտարարությունը՝ Լ. Հարությունյանն ասել է, որ «հնարավոր է՝ դա ընկերության մտադրությունն է»: Հիշեցնենք, …

Վրաստանի նախագահ Միխայիլ Սահակաշվիլին այսօր մեկնելու է Թուրքիա՝ հուլիսի 13-ին մասնակցելու Բաքու-Թբիլիսի-Ջեյհան նավթատարի բացման հանդիսավոր արարողությանը: Սահակաշվիլին հանդիպելու է Թուրքիայի վարչապետ Ռեջեփ Էրդողանին, ինչպես նաեւ Ադրբեջանի եւ Ղազախստանի նախագահներ Իլհամ Ալիեւին եւ Նուրսուլթան Նազարբաեւին: Նշենք, որ մոտ 4 մլրդ արժողությամբ խողովակաշարով ադրբեջանական նավթը Ջեյհանի նավահանգիստ է հասել դեռ մայիսի 28-ին՝ Ադրբեջանի անկախության օրը: Սակայն տարածաշրջանի …

«Panorama»-ի փոխանցմամբ, «Զվարթնոց» օդանավակայանում ավիավառելիքի դեֆիցիտի պատճառով ստեղծված իրավիճակը շարունակում է մնալ ճգնաժամային: Ըստ ՔԱԳՎ-ի, «Զվարթնոցից» օդանավերը թռիչքը սկսում են՝ ունենալով այնքան վառելիք, որ բավականացնի մինչեւ մոտակա ռուսական օդանավակայանները, որտեղ վերալիցքավորում են եւ շարունակում չվերթը: Նույն աղբյուրը վկայակոչում է, որ հուլիսի 9-ին Երեւան-Մոսկվա չվերթի օդանավի ուղեւորները գրանցումն անցնելուց եւ օդանավում իրենց տեղերը զբաղեցնելուց հետո ստիպված …

Շաբաթ օրվանից հայ բեռնափոխադրողներն ու ներմուծող-արտահանողները խուճապի մեջ են. այդ օրը վաղ առավոտյան Ռուսաստանն անորոշ ժամանակով նորից փակել է Վրաստան մտնող Կազբեկ-Վերին Լարս անցակետը: Ռուսական կողմն այս քայլը մեկնաբանել է` Վերին Լարսի հսկիչ-անցագրային կետում իրականացվող վերանորոգման աշխատանքների պատճառով, եւ հայտարարել է, որ այդ աշխատանքները կարող են ձգվել մոտ 1 ամիս: Իսկ վրացական կողմն այս հանգամանքին …

Այն քաղաքացիներն, ովքեր ցանկանում են ինֆորմացիա ստանալ ՀՀ բանկային համակարգի, տարբեր բանկերի կողմից մատուցվող ծառայությունների եւ գների մասին, այսուհետ հնարավորություն ունեն դա անել շատ ավելի հեշտ եղանակով։ «Մեդիամաքս» լրատվական գործակալությունը երեկ ներկայացրեց իր Banks.am (Ֆինանսական Հայաստան) նախագիծը։ Ինտերնետային այդ պորտալում հավաքված է ՀՀ բանկային ծառայություններին վերաբերող ամփոփ տեղեկատվություն։ «Մեր գործակալությունն ունի 7 տարվա պատմություն, սակայն …

ԱԺ պատգամավորները երեկվա արտահերթ նիստում կատարեցին իրենցից պահանջվածը՝ առանց ձգձգելու ընդունեցին մեծ թվով օրինագծեր եւ գնացին վաստակած հանգստի։ Իսկ ամենակարեւորը, թերեւս, «Ֆիզիկական անձանց գույքի եւ եկամուտների հայտարարագրման մասին» օրենքի ընդունումն էր։ Եթե հիշում եք, այս օրենքի շուրջ բավական տարբեր կարծիքներ կային, եւ խորհրդարանը տապալել էր այն՝ պատճառաբանելով հայտարարագրման ենթակա եկամուտների շեմով։ Օրինագծին դեմ էին արտահայտվել …