Ըստ «Ասոշիեյթեդ փրեսի», ԱՄՆ պետքարտուղար Կոնդոլիզա Ռայսի հետ այսօր նախատեսված հանդիպման ժամանակ Թուրքիայի արտգործնախարար Աբդուլլահ Գյուլը, հավանաբար, ամերիկյան վարչակազմին կհորդորի կասեցնել Հայոց ցեղասպանությունը ճանաչող բանաձեւի ընդունումը ԱՄՆ Կոնգրեսի Ներկայացուցիչների պալատի կողմից: Թուրքիայի արտգործնախարարի այցի նպատակն ԱՄՆ-ի եւ Թուրքիայի դիրքորոշումներն Իրաքյան պատերազմի եւ քուրդ ապստամբների դեմ պայքարի հարցերում համաձայնեցնելն է:
