Երեկ Ռոբերտ Քոչարյանն այցելել էր Երեւանի քաղաքապետարան, որտեղ բողոքել է, որ ցրտերի պատճառով քաղաքի մի շարք բազմաբնակարան շենքեր զրկվել էին կա՛մ ջրից, կա՛մ լույսից: Ռ. Քոչարյանը քաղաքապետարանի ուշադրությունը հրավիրել է նաեւ ներդրումային մթնոլորտի վրա: «Չենք ասում՝ բիզնեսով զբաղվեք, այլ ձեր աշխատանքով քաղաքի ներդրումային գրավչությունը բարձրացրեք: Մի քանի տարի առաջ այս հարցադրումը չէի անի, քանի որ «կարկատաններով» էինք զբաղված, սակայն այսօր արդեն ի վիճակի եք այս հարցերի հետ էլ առնչություն ունենալ»,- ասել է նա:
