ՀՀ ԿԲ-ն շրջանառության մեջ է մտցնում արծաթե հուշադրամներ, որոնց վրա պատկերված են կովկասյան անտառակատուն եւ միջերկրածովյան կրիան: 100-դրամանոց հուշադրամները թողարկվել են «Կովկասի կենդանական աշխարհ» միջազգային ծրագրի շրջանակներում: Ծրագրում ներառված են այն կենդանիները, որոնք ընդգրկված են Հայաստանի Կարմիր գրքում: Լեհաստանի դրամահատարանում յուրաքանչյուր հուշադրամից թողարկվել է 3 հազար հատ:
