Երեկ Փարիզում մեկնարկել է ՅՈՒՆԵՍԿՕ-ի 60-ամյակի շրջանակներում անցկացվող Ադրբեջանի շաբաթը: Ըստ «Regnum»-ի, «Ադրբեջանը մշակույթների ու քաղաքակրթությունների կենտրոնում» նշանաբանի ներքո անցկացվող միջոցառման շրջանակներում, կբացվի Ադրբեջանին նվիրված ֆոտոցուցահանդես: Միջոցառմանը մասնակցելու նպատակով այսօր Փարիզ կմեկնի Ադրբեջանի պատվիրակությունը` նախագահ Իլհամ Ալիեւի կնոջ` ՅՈՒՆԵՍԿՕ-ի բարի կամքի դեսպան Մեհրիբան Ալիեւայի գլխավորությամբ:
