«Ֆորբս» հանդեսի հրապարակած ամերիկացի 400 միլիարդատերերի ցուցակում ամերիկահայ մեծահարուստ Քըրք Քըրքորյանը 26-րդ տեղում է: 89-ամյա Քըրք Քըրքորյանի կարողությունը, ըստ ամսագրի, 9 միլիարդ դոլար է: Նրան է պատկանում ավտոմեքենաներ արտադրող «General Motors» ընկերության բաժնետոմսերի մոտ 10%-ը: Քըրքորյանը նաեւ խաղատների եւ հյուրանոցների մեծ ցանցի սեփականատեր է: «Ֆորբս»-ի ցուցակը գլխավորում է «Մայքրոսոֆթ» ընկերության ղեկավար Բիլ Գեյթսը, որի կարողությունը կազմում է 53 միլիարդ դոլար:
