Ռուսական օսկարյան կոմիտեն հրապարակել է այն 14 ֆիլմերից ցուցակը, որոնք կարող են հավակնել «Օսկարի»՝ «Լավագույն արտասահմանյան ֆիլմ» անվանակարգում: Այդ ժապավեններն անցյալ տարվա ՌԴ առեւտրային մեծ նախագծերն են՝ Ֆյոդոր Բոնդարչուկի «9 վաշտերից» մինչեւ Պավել Լունգինի «Կղզին»: Ամերիկյան կինոակադեմիայի կանոնների համաձայն, մինչեւ սեպտեմբերի 30-ն «Օսկարի» հավակնող բոլոր ֆիլմերը պետք է հայտնվեն վարձույթում:
