Ձու

Եռացող ջրում եփելիս լավ եփվում է ձվի սպիտակուցը, իսկ դեղնուցը մնում է ջրալի։ Եվ հակառակը` սառը ջրով եփելիս դեղնուցը պինդ է ստացվում, իսկ սպիտակուցը մնում է թույլ։ Հաճախ պինդ եփված ձվի դեղնուցի եւ սպիտակուցի միջնամասում առաջանում է մգավուն շերտ, որից խուսափելու համար անհրաժեշտ է եփել 5 րոպեից ոչ ավելի (եռացնել)։ Օրգանիզմի համար դյուրամարս է ոչ պինդ եփած, թերխաշ ձուն։

Տնային պայմաններում ձվերը կարելի է երկար պահել։ Դրա համար նախ անհրաժեշտ է ընտրել մաքուր, չճաքած կեղեւով ձվերը։ Ձուն լավ է մնում կրաջրի լուծույթի մեջ։ Կրաջրի լուծույթը պատրաստվում է փայտյա, կավե ամանների մեջ (1 լ ջրին` 5 գ կրափոշի)։ Ձվերը պետք է ծածկվեն լուծույթի 20-25 սմ շերտով։ Ձուն կարելի է մինչեւ 6 ամիս պահել արեւածաղկի դաղած յուղի մեջ, սառը տեղում։ Սառնարանում ձուն լավ պահպանվում է 10 աստիճան ջերմության, օդի 70-80 տոկոս հարաբերական խոնավության պայմաններում։