«Ազգային պատկերասրահ» համերգային փառատոնին մասնակցելու համար հրավիրվել է հայտնի դաշնակահար Վարդան Մամիկոնյանը, ով երեկ հանդես եկավ Շոպենի, Դեբյուսիի, Ռավելի ստեղծագործությունների կատարումներով: Նրա կարծիքով, Ազգային պատկերասրահի Որմնանկարների սրահը յուրահատուկ ոգեշնչող մթնոլորտ ունի. «Երբ առաջին օրը մտա այդ դահլիճը, զգացի, թե ինչ լավ հնչողություն կունենա այստեղ երաժշտությունը»: Աշխարհահռչակ դաշնակահարը ելույթ է ունեցել հայտնի նվագախմբերի հետ, տարբեր երկրների բեմերում փայլել է իր կատարումներով:
