Տեւական դադարից հետո երեկ ԱԺ էր եկել պատգամավոր Գագիկ Ծառուկյանը, որը լրագրողների հետ զրույցում հասցրեց դժգոհել լրագրողներից: Նրան մասնավորապես անհանգստացրել էր, որ հայրենի լրատվամիջոցներն ըստ պատշաճի չեն լուսաբանում Ձմեռային օլիմպիադայում ՀՀ հավաքականի մասնակցությունը: «Մերոնք կընկնեն տասնյակի մեջ` իրենց հագուկապով, իրենց մասնակցությամբ, հագուստի գեղեցկությամբ: Միայն մասնակցությունը գրեիք, որ իրոք հագուկապը տեղն է, որ դուք հպարտ եք, որ հայ եք, որ ձեր երկիրը մասնակցում է»,- ասաց նա: Ի դեպ, այդ «հագուկապն» այնքանով էր ուշագրավ, որ հայ մարզիկների մեջքին «Հայաստան» վերտառության տակ պատկերված էր առյուծի մեծ գլուխ:
