Երեկ՝ դասերի վերսկսման առաջին օրը, Շիրակի մարզի դպրոցներում բավարար ջեռուցումն ապահովված չէր: Թեեւ դասարանները տաքացվում են օրական 3 լ վառելանյութով եւ էլեկտրական սալիկներով, այնուամենայնիվ, դասարաններում ջերմաստիճանը 0-ից ցածր էր: Նորմայի սահմաններում ջերմություն կարողանում են ապահովել միայն անհատական ջեռուցման համակարգ ունեցող դպրոցները: Սակայն մարզի 123 դպրոց զրկված է այդ համակարգից:
