Հունվարի 19-ին կանադական CBC հեռուստաալիքով ցուցադրվել է «Երկար ճանապարհ դեպի տուն» վավերագրական ֆիլմը, որը նկարահանվել էր «Stormy Nights Production» կանադական ընկերության կողմից Կանադայի հանրային հեռուստատեսության պատվերով եւ Կանադայում Հայաստանի դեսպանության աջակցությամբ: Մեկ ժամանոց այս ժապավենը պատմում է կանադահայ հանրաճանաչ երիտասարդ օպերային երգչուհի Իզաբել Բայրաքդարյանի Հայաստան կատարած առաջին այցի մասին: Ֆիլմը կարեւոր նշանակություն ունի հայ-կանադական մշակութային կապերի ամրապնդման տեսակետից: Կանադացիները հնարավորություն են ունեցել հայկական շարականների եւ դասական երաժշտության հնչյունների միջոցով ճանաչել եւ ընկալել Հայաստանի պատմությունն ու մշակույթը:
