«Ես չգիտեմ, թե ԲՀԿ-ից Վարդան Օսկանյանի թիկունքին քանի մարդ կա կանգնած: Կարծում եմ, որ շատ քչերը կանգնած կլինեն»,- երեկ մեր թղթակցի հետ զրույցում ասել է ՀՀԿ փոխնախագահ Ռազմիկ Զոհրաբյանը` անդրադառնալով Վ.Օսկանյանի` ՀՀԿ-ին ուղղված սուր քննադատություններին: Իսկ ՀՀԿ պատգամավորն ինչո՞ւ է կարծում, որ ԲՀԿ-ում Վ.Օսկանյանին չեն ընդունում: «Մենք այդքան քննադատել ենք նրան: Եվ եթե Վ.Օսկանյանին ընդունում են, ապա ինչո՞ւ ԲՀԿ-ի լիդերներից որեւէ մեկը չի պատասխանում մեր քննադատություններին: Արդյոք հենց այդ մարդկանց սրտով չէ՞, որ մենք Օսկանյանին ասում ենք, որ ինքը սխալ տեղում է գտնվում»,- պատասխանել է Ռ.Զոհրաբյանը:
