Forbes պարբերականը նոր ինտերնետային ծառայություն է գործարկել, որը հնարավորություն է տալիս իրական` օնլայն հետեւել միլիարդատերերի միջեւ ուժերի հարաբերակցության փոփոխությանը: Ծառայությունը կոչվում է Real-Time Billionaires. այն կներկայացնի 50 ամենահարուստների կարողության վիճակը: Տվյալները կթարմացվեն 5 րոպեն մեկ հաճախականությամբ` Նյու Յորքի ֆոնդային բորսայի բացման պահից սկսած, սակայն 15 րոպե ուշացումով: Ծառայության հեղինակները օգտատերերին առաջարկում են ամեն օր հետեւել, թե ինչպես են աշխարհի ամենահարուստ մարդիկ հեշտությամբ կորցնում եւ հետո նորից վերականգնում միլիոնավոր դոլարներ: Օրինակ` նախօրեին բորսայի աշխատանքի մեկնարկից հետո միայն 2 ժամվա ընթացքում, America Movil ընկերության խոշոր բաժնետեր, մեքսիկացի միլիարդատեր Կարլոս Սլիմի կարողությունը աճել է 500 մլն ԱՄՆ դոլարով, իսկ օրվա ավարտին նա հարստացել է եւս մեկ միլիարդ դոլար վաստակելով:
