ՀՀ նախագահ Սերժ Սարգսյանը երեկ ցավակցական հեռագիր է հղել բելգիացիների թագավոր Ալբերտ Երկրորդին` մարտի 13-ին Շվեյցարիայի Սիեռ քաղաքում տեղի ունեցած ողբերգական ավտովթարի կապակցությամբ, որին զոհ դարձան երկու տասնյակից ավելի երեխաներ եւ նրանց ուղեկցող անձինք: «Խորապես ցնցված այս ողբերգությունից` անկեղծ ցավակցություն եմ հայտնում Ձեզ, Բելգիայի բարեկամ ժողովրդին, եւ զորակցություն` այս անդառնալի կորուստը սգացող բոլոր վշտահար սրտերին»,- ասված է ՀՀ նախագահի հեռագրում:
