Հայաստանի Հանրապետության կրթության եւ գիտության նախարարությունը հայտարարում է մրցույթ 2012-2013 ուսումնական տարում Չեխիայի Հանրապետության բարձրագույն ուսումնական հաստատություններում բակալավր/մագիստրոսի կրթական ծրագրով բարձրագույն մասնագիտական կրթություն ստանալու նպատակով 1 կրթաթոշակային տեղի համար:
Դիմել կարող են միայն ինֆորմատիկա, տեխնիկական եւ բժշկական մասնագիտությունների համար: Վերոնշյալ կրթաթոշակային տեղի համար ՀՀ կրթության եւ գիտության նախարարության կողմից ներկայացվելու են 5 թեկնածուներ, եւ վերջնական ընտրությունը կայացնելու է չեխական կողմը: Մրցույթին կարող են մասնակցել միջնակարգ կրթություն ունեցող կամ ավարտական դասարանում սովորող ՀՀ քաղաքացիները:
Կրթաթոշակներին հավակնող դիմորդները պետք է ներկայացնեն`
– դիմում` մրցույթին մասնակցելու համար, որում պետք է նշվի նախընտրած մասնագիտությունը,
– դիմում-հարցաթերթիկ,
– չեխական կողմից ներկայացված հարցաթերթիկ,
– ինքնակենսագրություն (անգլերեն (CV),
– 2 երաշխավորագիր (անգլերեն),
– բժշկի տեղեկանք` ըստ ներկայացվող ձեւի,
– ծննդյան վկայականի պատճեն` նոտարի կողմից չեխերեն թարգմանված եւ ՀՀ արդարադատության նախարարության կողմից լեգալացված (ապոստիլ):
– միջնակարգ (լրիվ) ընդհանուր կրթության ատեստատի, իսկ ավարտական դասարանում սովորողները` ակադեմիական տեղեկանքի պատճենները, նոտարի կողմից չեխերեն թարգմանված եւ ՀՀ արդարադատության նախարարության կողմից լեգալացված (ապոստիլ):
– անձնագրի պատճեն,
– 3/4 չափի 2 լուսանկար,
– արական սեռի անձինք` զինգրքույկի պատճենը, դրան փոխարինող կցագրման վկայականը կամ զորակոչային տեղամասից համապատասխան տեղեկանք:
Բուհական կրթաթոշակի համար հավակնող դիմորդները պետք է հանձնեն քննություններ 2011 թվականի ՀՀ բուհերի ընդունելության առարկայական ծրագրերին եւ գիտելիքների գնահատման չափանիշներին համապատասխան` ըստ ընտրած մասնագիտության, ինչպես նաեւ անցնեն հարցազրույցի փուլ: Մրցույթը տեղի կունենա ս.թ. նոյեմբերի 30-ից մինչեւ դեկտեմբերի 7-ն ընկած ժամանակահատվածում, Երեւանի Ջոն Կիրակոսյանի անվան թիվ 20 միջնակարգ դպրոցում (Այգեստան 9, փ.4): Մրցույթին մասնակցել ցանկացողները փաստաթղթերը կարող են ներկայացնել ՀՀ կրթության եւ գիտության նախարարության աշխատակազմի Արտաքին կապերի եւ սփյուռքի վարչություն մինչեւ ս/թ. նոյեմբերի 25-ընե րառյալ: Հասցեն` ք.Երեւան Կառավարության 3 շենք,VI-րդ հարկ, 619 սենյակ, հեռ. 56-23-64: