Բրիտանական գրադարանը սկսել է համագործակցել Google որոնողական համակարգի հետ, որի նպատակը Մեծ Բրիտանիայի ազգային գրադարանի 250 հազար գրքերի թվայնացումն է: Ըստ BBC-ի, բրիտանական գրադարանը, որն աշխարհի ամենամեծ գրադարանն է գրքերի թվով, հայտարարել է, որ պատրաստվում է գիտնականներին եւ ուսանողներին հասանելի դարձնել այն նյութերին, որոնք չունեն հեղինակային իրավունք: Google-ն արդեն համագործակցում է աշխարհի 40 այլ գրադարանների հետ, սակայն հաճախ խնդիրների է բախվում հեղինակային իրավունքով աշխատանքների թվայնացման դեպքում:
