Ըստ «Ինտերֆաքսի»` Ռուս-շվեդական բանակցություններին հետեւած մամուլի ասուլիսի ժամանակ ՌԴ վարչապետ Վլադիմիր Պուտինին հարց է տրվել` արդյո՞ք նա կմասնակցի առաջիկա նախագահական ընտրություններին, թե՞ ոչ, կամ արդյո՞ք չի բացառում, որ թեկնածություն կառաջադրի ՌԴ նախագահ Դմիտրի Մեդվեդեւի հետ: Ի պատասխան, Վ. Պուտինն ասել է. «Ինչ վերաբերում է նախընտրական արշավին, առայժմ այդ մասին վաղ է խոսել, ժամանակը կգա, եւ մենք համապատասխան որոշում կընդունենք. ձեզ դուր կգա, դուք գոհ կլինեք»: Հիշեցնենք, որ ապրիլի 13-ին Վլադիմիր Պուտինը հայտարարել էր, որ ո՛չ ինքը, ո՛չ էլ նախագահ Դմիտրի Մեդվեդեւը չեն բացառում 2012թ. նախագահական ընտրություններին մասնակցությունը:
