Երեկ ժամը 13-ի դրությամբ Հայաստանում ավտոճանապարհները փակ են եղել Արագածոտնի մարզի Նիգավան, Ձորագլուխ, Գեղարքունիքի մարզի Մադինա, Վերին Գետաշեն, Սեմյոնովկա, Շիրակի մարզի Թավշուտ, Սիզավետ, Մեծ եւ Փոքր Սեպասար, Լեռնագյուղ բնակավայրերում: Արտակարգ իրավիճակների նախարարության տրամադրած տեղեկագրի համաձայն, նույն ժամի դրությամբ փակ է եղել Սիսիան-Երեւան ճանապարհը` Սյունիքի մարզում, եւ Սելիմի լեռնանցքի ավտոճանապարհը` ինչպես Վայոց Ձորի, այնպես էլ Գեղարքունիքի մարզերից: Ճանապարհները ձյունից եւ սառույցից մաքրելու համար բոլոր մարզերում` բացառությամբ Արմավիրի մարզի, աշխատել է ընդհանուր առմամբ 148 միավոր տեխնիկա:
