Մոսկվայի հյուսիսում ձերբակալվել է միջազգային հետախուզման մեջ գտնվող «օրենքով գող» Բիձինա Բակուրիձեն: Այդ մասին հայտնել է Մոսկվայի իրավապահ մարմինների աղբյուրը, ըստ որի՝ Բակուրիձեն ձերբակալվել է անցած հինգշաբթի, սակայն այդ մասին միայն այժմ է հաղորդվում: Իրավապահ մարմինների ներկայացուցչի խոսքով` ձերբակալվածը, ով քրեական շրջաններում հայտնի է «Լոմչիկ» եւ «Բաթումցի Ռոմա» մականուններով, մեղադրվում է թմրամիջոցներ պահելու մեջ: Ծնունդով Բաթումից «Լոմչիկը» նախկինում բազմիցս դատապարտվել է թմրամիջոցներ պահելու եւ գողության մեղադրանքներով: Հաղորդվում է նաեւ, որ Բակուրիձեն, Ռուսաստանում իր պատիժը կրելուց հետո, կհանձնվի Վրաստանի իրավապահ մարմիններին, որոնք դեռեւս 2006 թ. Բակուրիձեի նկատմամբ միջազգային հետախուզում են հայտարարել՝ իրեն «Օրենքով գողերի» շարքը դասելու համար, ինչը, Վրաստանի քրեական օրենսգրքի համաձայն, համարվում է հանցագործություն:
