Իտալացի քանդակագործ, նկարիչ Ամադեո Մոդիլյանիի` «Մերկ` բազմոցին նստած» նկարը «Սոտբիս» աճուրդում վաճառվել է մոտ 69 մլն դոլարով: Մինչ այսօր դա նրա ամենաթանկ վաճառված նկարն է: Մինչեւ աճուրդի հանելը մասնագետները նկարը գնահատել էին 40 մլն դոլար: Նույն աճուրդում 19 մլն դոլարով վաճառվել է Մոդիլյանիի մեկ այլ կտավը եւս, որը նա նկարել է մահվանից մեկ տարի առաջ, եւ որը պատկերում է կյանքի վերջին տարիներին նկարչի մուսան հանդիսացող Ժաննա Էբյուտերնին:
