Հոկտեմբերի 16-ին, ժամը 04-ի սահմաններում Սեւան-Մարտունի-Գետափ ճանապարհին ավտովթարի է ենթարկվել Երեւանից Վարդենիս վերադարձող «ԿՎԶ» մակնիշի ավտոբուսը: Վերջինս բախվել է ճանապարհի աջ եզրին կայանած «ԿամԱԶ» մակնիշի մեքենային: Վթարի հետեւանքով, «ԿՎԶ»-ում եղած վարդենիսցի 9 ուղեւորներ, որոնք հիմնականում դպրոցահասակ երեխաներ են, տարբեր աստիճանի մարմնական վնասվածքներով տեղափոխվել են Մարտունիի քաղաքային հիվանդանոց: Բարեբախտաբար, մահվան դեպք չի եղել:
