Սաուդյան Արաբիայում նոր կինոդահլիճ է բացվելու: Դա լինելու է առաջին կինոդահլիճը, որն իր դռները կբացի 20 տարի առաջ ընդունած հասարակական կինոցուցադրումներն արգելող որոշումից հետո: Սուրբ ամսվա՝ ռամադանի ավարտից հետո 1,4 հազար հանդիսատեսի համար նախատեսված դահլիճը բացվելու է Էռ Ռիադի հյուրանոցներից մեկում: Օրը երեք անգամ ցուցադրվելու են արաբերեն լեզվով թարգմանված ամերիկյան մուլտֆիլմերը, իսկ դահլիճի մուտքն ազատ է լինելու կանանց եւ երեխաների համար: Հետագայում հնարավոր է կինոդահլիճների թվի ավելացում:
Ն.Հ.