«Ես իմ ցուցակն եմ դնելու ընտրություններին, անկուսակցականների ցուցակ եմ ձեւավորելու: Ես հիմնադրելու եմ Հայաստանի անկուսակցականների միավորում հասարակական-քաղաքական կազմակերպություն, եւ ընտրություններին ներկայանալու ենք այդ ցուցակով»,- մեր թղթակցի հետ զրույցում ասել է Հայաստանի քաղաքագետների միության նախագահ Հմայակ Հովհաննիսյանը: Քաղաքագետը, սակայն, չի ասել, թե ովքեր են լինելու իր ցուցակում: «Միավորումը եւ կազմկոմիտեն մինչեւ տարեվերջ կձեւավորվեն, կներկայացվի հիմնադիր փաստաթղթերը, կկազմակերպվի հիմնադիր համագումարը: Մինչեւ ապրիլ կգրանցվենք եւ իրավունք կստանանք մասնակցել 2012թ. խորհրդարանական ընտրություններին»,- ավելացրել է Հ.Հովհաննիսյանը:
