«Արամ Խաչատրյան. կյանք եւ ստեղծագործություն» մուլտիմեդիական ձայներիզը ճանաչվել է արվեստի ոլորտի լավագույն աշխատանքը: Տեղեկատվական զարգացման համաշխարհային գագաթաժողովի՝ «World Sammit Award»-ի ժյուրին «ITE» ընկերության «Մուլտիվեբ» ստուդիայի այս աշխատանքին շնորհել է բարձրագույն մրցանակ: Ժյուրին գնահատել է նաեւ էլեկտրոնային պարունակությունը եւ ստեղծագործական գաղափարը: Մրցույթին ներկայացվել է մոտ 800 աշխատանք՝ աշխարհի 168 երկրներից: Լավագույն աշխատանքների տասնյակում է նաեւ «Հայկական ցեղասպանություն, 1915-1923 թթ.» կրթական նախագիծը, որն արժանացել է հատուկ դիպլոմի: Հայաստանը ներկայացված է եղել 8 աշխատանքներով: «Էլեկտրոնային բիզնես» անվանակարգում ուշադրության է արժանացել www. e-dram.am ինտերնետային կայքը, իսկ «ինտերնետային առողջապահություն» անվանակարգում՝ բժշկական www.doctor.am կայքը: Հայալեզու ինտերնետային պաշարների զարգացմանը խթանող այս հաղթանակները կօգնեն Հայաստանին համաշխարհային ցանցում իր տեղն ունենալ: Մրցանակների հանձնումը տեղի կունենա նոյեմբերի 16-18-ը, Թունիսում:
Ն.Հ.