Կանխվել է չորսօրյա պաշտոնական այցով Անգլիայում գտնվող Հռոմի պապ Բենեդիկտոս 16-րդի դեմ կազմակերպված մահափորձը: Բրիտանական լրատվամիջոցների փոխանցմամբ, Հռոմի պապի դեմ մահափորձ կազմակերպելու մեղադրանքով ձերբակալվել է 5 մարդ, որոնց տարիքը տատանվում է 26-ից մինչեւ 50 տարեկանի սահմանում: Ձերբակալվածները ներկա պահին գտնվում են լոնդոնյան ոստիկանատներից մեկում: Դեպքի մասին այլ մանրամասներ առայժմ չեն հաղորդվում: Հիշեցնենք, որ Հռոմի պապ Բենեդիկտոս 16-րդը Մեծ Բրիտանիա է մեկնել Անգլիայի թագուհի Էլիզաբեթ 2-րդի հրավերով:
