ՀՀ կառավարության երեկվա նիստում գործադիրն ի գիտություն է ընդունել ՀՀ ֆինանսների նախարարության ներկայացրած ՀՀ 2011թ. պետբյուջեի նախագծի նախնական տարբերակը: Հանրապետական գործադիր մարմինների ղեկավարները պարտավորվել են մեկ շաբաթվա ընթացքում Ֆինանսների նախարարություն ներկայացնել առաջարկություններ` «Բյուջեի մասին» ՀՀ օրենքի նախագծի տեքստային մասի նախնական տարբերակի վերաբերյալ, սեպտեմբերի 6-ից ՀՀ վարչապետի մոտ անցկացնել նախնական տարբերակի քննարկումներ: Քննարկումներից հետո նախագիծը սահմանված կարգով կներկայացվի ՀՀ Ազգային ժողով:
