Սեպտեմբերի 25-ի ՏԻՄ ընտրություններից առաջ ԵԱՀԿ դիտորդները հանդիպել են
Կենտրոն եւ Արաբկիր համայնքների թաղապետի թեկնածուների հետ: Կենտրոն
համայնքի թեկնածուներ Ռուզան Խաչատրյանի եւ Գագիկ Բեգլարյանի հանդիպումը
բավական լավ տպավորություն է թողել դիտորդների վրա: Բանն այն է, որ Գ.
Բեգլարյանը ԵԱՀԿ դիտորդների մոտ իր մրցակցին՝ Ռ. Խաչատրյանին դիմավորել է
մեծ ծաղկեփնջով ու գրկախառնվել է նրա հետ: Ըստ մեր տեղեկությունների, Գ.
Բեգլարյանն իր մրցակցուհուն գրկել է այնքան ժամանակ, մինչեւ ԵԱՀԿ
գրասենյակի լուսանկարիչներն անմահացրել են նրանց: Ի դեպ, Գ. Բեգլարյանը Ռ.
Խաչատրյանին նվիրել է նաեւ իր դիսերտացիան՝ ՏԻՄ վերաբերյալ, որը Գ.
Բեգլարյանը տպագրել է գրքով:
