Ապրիլի 25-ին կմեկնարկի «Ազգային պատկերասրահ» 6-րդ միջազգային երաժշտական փառատոնը, որը կտեւի մինչեւ հունիսի 2-ը: Պատկերասրահի որմնանկարների սրահում տեղի ունեցող առաջին համերգին կմասնակցեն հայտնի դաշնակահարուհի Սվետլանա Նավասարդյանը եւ Հայաստանի պետական երիտասարդական նվագախումբը: Սպասվում են հյուրեր Սլովենիայից, Շվեդիայից եւ Ռուսաստանից: Շվեդ ջութակահար Հյուգո Տիզիանին ելույթ կունենա հայ դաշնակահար Հայկ Մելիքյանի հետ: Հայաստանը կներկայացնեն Հայաստանի Կամերային երգչախումբը (գեղղեկավար՝ Ռոբերտ Մլքեյան), «Dominatus vox orchestra» նվագախումբը (գեղղեկավար՝ Նատալի Գալստյան)։
