Երթուղայինը շրջվել է

Երեկ առավոտյան` ժամը 9:50-ին, Սարալանջի փողոցում տեղի է ունեցել ավտովթար: Շրջվել է 24 69 S պետհամարանիշով 113 համարի երթուղային տաքսին: Դեպքի վայր են ժամանել հետաքննիչներ եւ «Շտապ օգնության» ծառայության խմբեր, սակայն մինչ այդ վիրավոր ուղեւորներն իրենց հարազատների անձնական մեքենաներով տեղափոխվել են հիվանդանոց: Բարեբախտաբար, զոհեր եւ ծանր վիճակում տուժածներ չկան: Երթուղայինը բարձրանալիս է եղել դեպի Ազատության պողոտա եւ բախվել է վերեւից իջնող ՎԱԶ 2109 մակնիշի ավտոմեքենային: Մարդատարը վնասվել է, իսկ երթուղային տաքսին, որում եղել են 8-9 ուղեւորներ, շուռ է եկել: Դեպքի պատճառը պարզ կլինի հետաքննության ավարտից հետո։