Իրանում ձերբակալվել է աշխարհահռչակ ռեժիսոր, ընդդիմադիր Ջաֆար Փանահին: Բրիտանական «The Guardian» պարբերականի փոխանցմամբ` գիշերով ընդդիմադիր ռեժիսորի տուն են ներխուժել քաղաքացիական համազգեստով հատուկ ծառայության աշխատակիցները եւ ձերբակալել նրան, ինչպես նաեւ՝ նրա տան 15 հյուրերին: Ձերբակալվել են նաեւ ռեժիսորի կինն ու դուստրը: Իրանական իշխանություններն առայժմ որեւէ հայտարարությամբ հանդես չեն եկել Ջաֆար Փանահիի ձերբակալության առնչությամբ:
