Աշխարհահռչակ փոփ աստղ Մայքլ Ջեքսոնի կայքում եւ ռադիոեթերում հնչել է նրա նոր երգը: Կատարումը կոչվում է «This Is It»: Երգի ձայնագրմանը մասնակցել են նաեւ Մայքլ Ջեքսոնի եղբայրները, սակայն դեռեւս պարզ չէ, թե երբ է ձայնագրվել երգը: Երգը կարելի է գնել օնլայն խանութներում, ինչպես, օրինակ, iTunes-ում: Նշենք, որ կատարումը, որը մինչ այժմ ոչ մի տեղ չի հնչել, կընդգրկվի Մայքլ Ջեքսոնի նոր ձայնասկավառակում։
