Երեւանի պետական համալսարանի (ԵՊՀ) շուրջ երկու տասնյակ աշխատակիցներ երեկ հանդես են եկել հայտարարությամբ, որտեղ իշխանություններից պահանջում են «անհապաղ ազատ արձակել հայտնի լրագրող, հրապարակախոս, «Հայկական Ժամանակ» օրաթերթի գլխավոր խմբագիր Նիկոլ Փաշինյանին»: «Անհերքելի փաստ է, որ Ն. Փաշինյանը երկրի ապագայի համար պայքարող, լայն ժողովրդականություն վայելող ակտիվ քաղաքական գործիչ լինելով` ազատազրկվել է իր քաղաքական գործունեության համար, ինչը անհարիր է 21-րդ դարի քաղաքակիրթ աշխարհի սկզբունքներին»,- ընդգծել են հայտարարության հեղինակները` միաժամանակ պահանջելով «ձեռնարկել բոլոր անհրաժեշտ միջոցները մարտի 1-ի զոհերի իրական մեղավորների բացահայտման համար»:
