Գերմանիան ներկայացնող հայազգի բռնցքամարտիկ Արթուր Աբրահամը շաբաթ օրը Բեռլինում կայացած մրցամարտում պաշտպանել է IBF վարկածով աշխարհի չեմպիոնի տիտղոսը` 10-րդ ռաունդում տեխնիկական նոկաուտի ենթարկելով գերմանացի Մահիր Օրալին: Այդ օրը Աբրահամը տարավ 30-րդ անընդմեջ հաղթանակը` 10-րդ անգամ անընդմեջ պաշտպանելով իր տիտղոսը: Հայազգի բռնցքամարտիկը IBF վարկածով աշխարհի չեմպիոն է դարձել 2005 թվականի դեկտեմբերին: Նշենք, որ Օրալը իր առաջին պարտությունն է կրել վերջին 19 մենամարտերում. նրա նախորդ պարտությունը գրանցվել էր 2004 թվականին:
