84 տարեկան հասակում մահացել է աշխարհահռչակ ֆրանսիացի երգահան Մորիս Ժարը: Նա բազմաթիվ հայտնի ֆիլմերի, այդ թվում` «Դոկտոր Ժիվագո», «Արդյո՞ք այրվում է Փարիզը» կինոնկարների երաժշտության հեղինակն է: Նա վախճանվել է կիրակի օրը` Լոս Անջելեսում, որտեղ նա մշտապես աշխատել է անցած դարի 60-ական թվականներից ի վեր: Ժարը ավելի քան 150 կինոնկարների երաժշտության հեղինակ է եւ երեք անգամ արժանացել է «Օսկար» մրցանակի: 2006թ. լրացել է Մ. Ժարի մասնագիտական գործունեության 50-ամյակը, որը նա նշել է իր հարազատ Լիոնում: Հոբելյանական համերգին մասնակցել է Մորիսի որդին, էլեկտրոնային երաժշտության վարպետներից մեկը` Ժան Միշել Ժարը:
