Երեկ ՀՀ նախագահ Սերժ Սարգսյանը շնորհավորական ուղերձ է հղել Ալբերտ Ազարյանի ծննդյան 80-ամյակի առթիվ: Ըստ ՀՀ նախագահի մամլո գրասենյակի, ուղերձում ասված է. «Հարգելի պարոն Ազարյան, ջերմորեն շնորհավորում եմ Ձեզ ծննդյան 80-ամյակի կապակցությամբ։ Որպես առաջին հայ օլիմպիական չեմպիոններից մեկը՝ Դուք հայկական սպորտի փառքն ու պարծանքն եք։ «Ազարյանական խաչը» վաղուց արդեն մտել է մեծ սպորտի հանրագիտարաններ։ Մեծ է Ձեր ավանդը հայկական սպորտի զարգացման եւ մեր հասարակության մեջ առողջ կենսակերպ սերմանելու գործում։ Կրկին շնորհավորելով հոբելյանական տարեդարձի առթիվ՝ մաղթում եմ Ձեզ քաջառողջություն, երկար տարիների կյանք եւ հաջողություններ Ձեր գործունեության մեջ»։
