Հոլիվուդյան աստղ Թոմ Քրուզը 5000 դոլար թեյավճար է թողել Մոսկվայի հյուրանոցներից մեկի աշխատակցուհուն: «Ոչ մի արտառոց բան, որի համար արժեր այդպիսի շռայլ թեյավճար թողնել, ես չեմ արել: Ամեն ինչ սովորականի պես է եղել` հյուրանոցային համար է բարձրացվել հանքային ջուր, մրգեր, եւ հյուրանոցի անձնակազմի կողմից, որպես հատուկ վերաբերմունք, միայն եղել է ամեն օր սենյակում թարմ ծաղիկների առկայությունը»,- խոստովանել է հյուրանոցի աշխատակցուհին: «Մեր հյուրանոցում շատ աստղեր են իջեւանել, սակայն ոչ մի աստղ նման շռայլ թեյավճար դեռ չէր թողել: Թոմը, իհարկե, չի լսի, բայց, այնուամենայնիվ, մենք նրան մեծ շնորհակալություն ենք հայտնում»,- ասել են հյուրանոցի աշխատակիցները:
