Բերման են ենթարկել

Հոկտեմբերի 28-ին Ոստիկանության ԿՀԴՊ գլխավոր վարչության աշխատակիցները Երեւանի Բագրատունյաց-Արտաշիսյան փողոցների խաչմերուկից բերման են ենթարկել 1979թ. ծնված, նախկինում 4 անգամ դատված Մնացական Հ.-ին` «Մերսեդես-ML-350» մակնիշի ավտոմեքենայով հանդերձ: Մեքենայի սրահից հայտնաբերվել է «BLOW-38 magnum» տիպի թմբուկավոր ատրճանակ` լիցքավորված 9 մմ տրամաչափի 5 ձայնային փամփուշտով: Ատրճանակն առգրավվել եւ ուղարկվել է փորձաքննության: Հետաքննությունը վարում է Ոստիկանության ԿՀԴՊ Գլխավոր վարչությունը: