Գեղարքունիքի մարզից հոկտեմբերի 26-ին տեղեկություն է ստացվել, որ ժամը 21։18-ին Սեւան-Գավառ ավտոճանապարհի 4-րդ կմ-ին ավտոմեքենա է ընկել Սեւանա լիճը, եւ անհրաժեշտ է փրկարարների օգնությունը: Դեպքի վայր են մեկնել Սեւանից մեկ մարտական հաշվարկ եւ ջրափրկարարական ջոկատը: Ըստ ՀՀ Արտակարգ իրավիճակների նախարարության Հայաստանի փրկարար ծառայության տեղեկատվության եւ հասարակայնության հետ կապերի բաժնի, դեռեւս չպարզված հանգամանքներում «ՎԱԶ 2107» մակնիշի 42 ԼԼ 928 պետհամարանիշով ավտոմեքենան դուրս է եկել ճանապարհի երթեւեկելի մասից եւ մտել լիճը (ջուրը ծածկել է ավտոմեքենայի 1/3 մասը): Փրկարարների ուժերով ավտոմեքենան դուրս է բերվել ճանապարհի երթեւեկելի հատված: Ավտոմեքենայի վարորդը` Հրազդանի բնակիչ Սերյոժա Ասատրյանը, չի տուժել:
