Հոկտեմբերի 26-ին ժամանակավորապես կփակվի Երեւանի Մ.Հերացու փողոցից Նորք տանող ճանապարհը: Այդ մասին հայտնել են Երեւանի քաղաքապետարանից: Փակման պատճառը Երեւանի Մ. Հերացի-Սարալանջի-Ավետիսյան մայրուղու, Հերացի-Խորենացի ավտոճանապարհի եւ դեպի Նորք տանող Արմենակյան փողոցի միացման շինարարական աշխատանքների կապակցությամբ Արմենակյան փողոցի կամարաձեւ կամուրջի ապամոնտաժումն է: Քաղաքապետարանն առաջարկում է դեպի Նորք տանող հետեւյալ երթուղիները` Նոր Նորքի Գյուրջինյան փողոցից Հին եւ Նոր Նորք միացնող անցուղիով դեպի Խանզադյան փողոց, կամ Դավիթ Բեկի փողոցից Գ. Հովսեփյան փողոցով դեպի Ա. Արմենակյան փողոց:
