Երեկ գիշերը` ժամը 02:53-ին հրդեհ է բռնկվել Արմավիրի մարզի Զվարթնոց գյուղում: Դեպքի վայր է մեկնել չորս մարտական հաշվարկ: Հրդեհը մեկուսացվել է ժամը 03:46-ին, մարվել` 03:59-ին: ԱԻՆ Փրկարար ծառայության հաղորդմամբ, այրվել են Լ. Մկրտչյանին պատկանող տան` 200 քմ մակերեսով տանիքը, 200 քմ մակերեսով երկրորդ հարկն՝ իր գույքով, եւ 100 քմ մակերեսով առաջին հարկն՝ իր գույքով: Հրդեհի հետեւանքով ստացված այրվածքներից զոհվել են տան բնակիչներ` 1954թ. ծնված՝ Լարիսա, 1992թ. ծնված՝ Սերոբ եւ 1996թ. ծնված՝ Արտակ Մկրտչյանները, իսկ տանը գտնվող 1966թ. ծնված՝ Էլմոն Գեւինյանը, 1981թ. ծնված՝ Իրինա եւ 2002թ. ծնված՝ Լենա Մարաբյանները ստացել են ծխահարում եւ տեղափոխվել Վաղարշապատի հիվանդանոց: Ըստ բժիշկների` տուժածների վիճակը միջին ծանրության է:
Ժամը 05:08-ին տեղեկություն է ստացվել, որ կրկին հրդեհ է բռնկվել Զվարթնոց գյուղում` Լ. Մկրտչյանին պատկանող տանը: Դեպքի վայր է մեկնել մեկ մարտական հաշվարկ, որը մինչեւ 05:46-ը կատարել է հետհանգեցման աշխատանքներ: