Երեկ ԱՄՆ-ի նախագահ Ջորջ Բուշը Միխայիլ Սահակաշվիլիին շնորհավորել է Վրաստանի նախագահական ընտրություններում տարած հաղթանակի առթիվ: Այդ մասին լրագրողներին հայտնել է Սահակաշվիլիի ընտրական շտաբի ներկայացուցիչը: «Մերձավորարեւելյան երկրներում շրջագայության մեջ գտնվող Ջորջ Բուշն այսօր ինքնաթիռից հեռախոսով կապվել է Միխայիլ Սահակաշվիլիի հետ: Բուշը Վրաստանի նախագահական ընտրությունները որակել է տպավորիչ, իսկ Սահակաշվիլիին անվանել է իր բարեկամը եւ շնորհավորել նրան ընտրություններում հաղթելու առթիվ: ԱՄՆ-ի նախագահը նրան հաջողություններ է մաղթել, իսկ Վրաստանի ժողովրդին՝ բարօրություն»,- ասել է Սահակաշվիլիի ընտրական շտաբի ներկայացուցիչը:
