Շուտով առաջին անգամ Հայաստան կժամանի աշխարհահռչակ երգչուհի աֆրիկուհի Տերեզինյո Արաուզոն: Համաշխարհային ֆոլկ աստղ Տերեզինյոյի հայրենիքը Կապե Վերդեն է, որտեղ նա հիմնել է բալետի խումբ եւ առաջնորդում է Կապե Վերդենի ողջ մշակութային, երիտասարդական կյանքը: Տերեզինյո Արաուզոն իր խմբի հետ ամեն տարի համերգներով շրջագայում է ամբողջ աշխարհում: Ապրիլի 25-29-ը «Ավանգարդ ֆոլկ երաժշտության ակումբում» երգչուհին հանդես կգա համերգներով: Որքան էլ զարմանալի է` Տերեզինյոն Հայաստանում հանդես գալու հրավերքից առաջ անգամ գաղափար չի ունեցել, որ աշխարհում գոյություն ունի Հայաստան անունով երկիր: Ինչեւէ, նրա բազմաոճ երաժշտական ռիթմերը եւ փառահեղ ձայնը յուրահատուկ հետաքրքրություն կմտցնեն մեր միօրինակ ու ձանձրալի երաժշտական աշխարհում:
