Անցած տասնամյակում աշխարհում սպանվել են հազարից ավելի լրագրողներ եւ լրատվամիջոցների այլ աշխատակիցներ, ընդ որում, նրանց կեսից ավելին՝ խաղաղ պայմաններում: Այս մասին ասված է Լրատվության անվտանգության միջազգային ինստիտուտի՝ երեկ հրապարակած զեկույցում: Համաձայն 1996 թվականի հունվարից մինչեւ 2006 թվականի հունիս անցկացված հետազոտության արդյունքների վրա հիմնված զեկույցի՝ թղթակիցների համար ամենավտանգավոր տեղն Իրաքն է, որտեղ նշված ժամանակահատվածում սպանվել է 138 լրագրող, ապա հաջորդում են Ռուսաստանը՝ 88, եւ Կոլումբիան՝ 72 սպանված լրագրող:
